اسلام آباد(نیوز ڈیسک) مسلم لیگ ن کے رہنما و وفاقی وزیر احسن اقبال نے توشہ خانہ تحائف کی رضاکارانہ اضافی ادائیگی کر دی۔وزیر منصوبہ بندی کی جانب سے 1 لاکھ 19 ہزار روپے حکومتی خزانے میں جمع کرا دیے گئے،میں نے تحائف مروجہ طریقہ کار کے مطابق حاصل کیے، اضافی ادائیگی کرنے کی ضرورت نہیں تھی، رضاکارانہ ادائیگی کر رہا ہوں تاکہ ناجائز فائدہ اٹھانے کے الزام کا خاتمہ ہو۔ وفاقی وزیر احسن اقبال کے جانب سے لکھے خط کے مطابق1 لاکھ 39 ہزار مالیت کا قالین توشہ خانہ سے حاصل کیا تھا، قالین کی قیمت قانون کے مطابق 20 ہزار روپے ادا کی گئی تھی، قالین کی بقایا رقم 1 لاکھ 19 ہزار روپے سرکاری خزانے میں جمع کرادی ہے توشہ خانہ سے 15 لاکھ 50 ہزار مالیت کی مردانہ رولیکس گھڑی حاصل کی تھی، توشہ خانہ سے لی گئی گھڑی کی قانون کے مطابق 3 لاکھ 4 ہزار روپے ادائیگی کی گئی، گھڑی کے باقی کے 12 لاکھ 46 ہزار روپے بھی خزانے میں جمع کرا دیے ہیں۔