اسلام آباد(نیوز ڈیسک) بڑے اضافہ کے بعد ڈالر نے واپسی کا سفر شروع کردیا، 5 روپے 9 پیسے سستا ہونے کے بعد 280 روپے کا ہو گیا۔تفصیلات کے مطابق آج صبح کاروبار کے آغاز میں امریکی ڈالر سستا ہوا ہے،انٹر بینک میں ڈالر 5 روپے 9 پیسے سستا ہونے کے بعد 280 روپے کا ہو گیا۔بین الاقوامی مالیاتی فنڈ (آئی ایم ایف) کی سخت شرائط کے باعث گزشتہ روز کرنسی مارکیٹ میں بھونچال آ گیا اور روپے کو بڑا جھٹکا لگا۔واضح رہے کہ گزشتہ روز انٹر بینک میں ڈالر کی قیمتِ خرید 19 روپے کے اضافے سے 266 روپے 50 پیسے سے بڑھ کر 285 روپے 50 پیسے اور قیمتِ فروخت 21 روپے کے اضافے سے 267 روپے 50 پیسے سے بڑھ کر 288 روپے 50 پیسے ہو گئی تھی۔