واشنگٹن(نیوز ڈیسک) وفاقی وزیر تجارت نوید قمر نے کہا ہے کہ پاکستانی معیشت شدید دباؤ کا شکار ہے، آئی ایم ایف سے معاہدے کے بعد معیشت میں بہتری کا امکان ہے، پاک امریکا تعلقات وقت کے ساتھ مزید مضبوط ہو رہے ہیں ۔تفصیلات کے مطابق واشنگٹن میں پاک امریکا ٹیفا اجلاس کے بعد میڈیا کو بریفنگ دیتے ہوئے وفاقی وزیر تجارت نوید قمر نے کہا کہ امریکا ہماری برآمدات کے لیے سب سے بڑی منڈی ہے، امریکا سے تجارت کو فروغ دینے کیلئے کاروباری طبقے کو مراعات دیں گے، توقع کرتے ہیں کہ پاکستان کیلئے یو ایس ایڈ پروگرام پر مثبت پیشرفت ہوگی۔ انہوں نے مزید کہا کہ آئی ایم ایف معاہدے کے بعد زرمبادلہ کے ذخائر بڑھیں گے کیونکہ امریکا ہماری برآمدات کے لیے سب سے بڑی منڈی ہے انہوں نے کہا کہ امریکا میں زراعت، ٹیکنالوجی اور دیگر امور پر گفتگو کی جس کے بعد پاک امریکا تعلقات میں مزید بہتری آئی ہے۔ انہوں نے کہا کہ سیلاب سے کپاس کی فصل بری طرح متاثرہوئی جس کے باعث اس وقت ہمیں کاٹن کی ضرورت ہے۔