اسلام آباد (اے بی این نیوز) وزیر مملکت و وزیراعظم کے معاون خصوصی برائے ڈیجیٹل میڈیا فہد ہارون نے ٹیکنالوجی اور ڈیجیٹل میڈیا کا احاطہ کرنے والے صحافیوں سے ملاقات کی۔
ملاقات کے دوران ڈیجیٹل میڈیا کے بدلتے منظرنامے، ابھرتے ہوئے رجحانات، جعلی خبروں، غلط معلومات اور گمراہ کن معلومات سمیت شعبے کو درپیش چیلنجز اور مواقع پر تفصیلی تبادلہ خیال کیا گیا۔
فہد ہارون نے ڈیجیٹل پلیٹ فارمز کے بڑھتے ہوئے کردار کو اجاگر کرتے ہوئے ذمہ دارانہ صحافتی طرزِ عمل، مستند معلومات کی فراہمی اور تعمیری ڈیجیٹل بیانیے کی اہمیت پر زور دیا۔
انہوں نے پاکستان کی ڈیجیٹل تبدیلی کو معاشی ترقی، جدت اور روزگار کے لیے اہم ذریعہ قرار دیا اور عالمی آزاد پیشہ ورانہ معیشت میں پاکستان کی نمایاں پوزیشن کا بھی ذکر کیا۔
اس موقع پر صحافیوں نے تیزی سے بدلتی ٹیکنالوجی کے تناظر میں ڈیجیٹل صحافت کے مستقبل اور میڈیا کے کردار کے حوالے سے اپنے خیالات کا اظہار کیا۔
مزید پڑھیں:سانحہ پمز کی تحقیقات میں بڑی رکاوٹ، پمز حکام کی بڑی غلطی کا انکشاف
