اہم خبریں

شہید میجر عمر ناصر منہاس آبائی علاقے میں فوجی اعزاز کے ساتھ سپرد خاک

شہید میجر عمر ناصر منہاس آبائی علاقے میں فوجی اعزاز کے ساتھ سپرد خاک

چکوال( اے بی این نیوز) بلوچستان میں وطن کی حفاظت کرتے ہوئے جام شہادت نوش کرنے والے چکوال سے تعلق رکھنے والے میجر عمر ناصر منہاس کو ان کے آبائی علاقے چتال میں فوجی اعزاز کے ساتھ سپرد خاک کردیا گیا۔

شہید کی نماز جنازہ کور کمانڈر منگلا شاکر اللہ خٹک نے پڑھائی، جس میں اہم فوجی، سیاسی اور سماجی شخصیات سمیت اہل علاقہ کی بڑی تعداد نے شرکت کی۔ اس موقع پر ڈی پی او چکوال محمد عاصم جسرا کی جانب سے سیکیورٹی کے سخت انتظامات کیے گئے تھے۔

میجر عمر ناصر منہاس نے 14 نومبر کو بلوچستان کے ضلع نوشکی کے علاقے گردیگاپ میں سیکیورٹی قافلے کی حفاظت کے فرائض انجام دیتے ہوئے اپنے ساتھی حوالدار محمد عدنان خان کے ہمراہ جام شہادت نوش کیا تھا۔


33 سالہ شہید میجر عمر ناصر منہاس کا تعلق ایک فوجی خاندان سے تھا۔ ان کے والد کرنل ناصر منہاس بھی پاک فوج میں خدمات انجام دے چکے ہیں، جبکہ ان کے دو بھائی میجر حسن ناصر منہاس اور میجر علی ناصر منہاس بھی افواج پاکستان میں خدمات سرانجام دے رہے ہیں۔

شہید میجر عمر ناصر منہاس کا جسد خاکی جب ان کے آبائی گاؤں چتال پہنچا تو فضا پاکستان زندہ باد کے نعروں سے گونج اٹھی۔ اہل علاقہ نے شہید کو خراج عقیدت پیش کیا اور ان کی قربانی کو وطن کے لیے عظیم مثال قرار دیا۔
مزید پڑھیں‌:اوپنر صائم ایوب کی کرکٹ سے دوری نے نئی بحث چھیڑ دی

متعلقہ خبریں