اسلام آباد (اے بی این نیوز) ترلائی امام بارگاہ میں پیش آنے والے خودکش حملے کے بعد حکام نے فوری کارروائی کرتے ہوئے سیکیورٹی میں غفلت اور فرائص کی لاپروائی کے ذمہ داروں کے خلاف سخت اقدامات کیے ہیں۔ ذرائع کے مطابق تھانہ شہزاد ٹاؤن کے ایس ایچ او اشفاق وڑائچ کو ناقص سیکیورٹی اور فرائص میں کوتاہی کے الزام میں معطل کر دیا گیا ہے اور ان کے خلاف کلوز ون فائیو کا نوٹس بھی جاری کیا گیا ہے۔
ذرائع کا کہنا ہے کہ واقعے کی ابتدائی تحقیقات میں یہ بات سامنے آئی ہے کہ امام بارگاہ میں سیکیورٹی انتظامات ناکافی تھے، جس کی وجہ سے حملہ آور داخل ہونے میں کامیاب ہوا۔ حکام نے متاثرہ مقام پر فوراً رسپانس ٹیمیں روانہ کر دی ہیں اور سیکورٹی مزید سخت کر دی گئی ہے۔
معطل ایس ایچ او کے خلاف کارروائی کو عوامی تحفظ اور قانون کے نفاذ کی اہمیت کے پیش نظر لیا گیا ہے تاکہ آئندہ ایسے واقعات کو روکنے کے لیے ذمہ داریوں کا واضح تعین ہو سکے۔ حکام نے عوام سے اپیل کی ہے کہ وہ مشتبہ افراد یا کسی بھی غیر معمولی سرگرمی کی اطلاع فوراً متعلقہ حکام کو دیں تاکہ اس طرح کے حملوں سے بچا جا سکے۔
مزید پڑھیں :اسلام آباد میں سرچ، کومبنگ اور ہارڈ ٹارگٹ سیکیورٹی آپریشنز جاری
