لاہور (اے بی این نیوز) بنگلہ دیش کے ٹی ٹوئنٹی ورلڈ کپ 2026 سے باہر ہونے کے بعد کیا پاکستان میگا ایونٹ کھیلے گا؟
ٹی ٹوئنٹی ورلڈ کپ کے لیے قومی ٹیم کا اعلان ہو گیا ہے لیکن ملین ڈالر کا سوال باقی ہے۔
پی سی بی کے چیئرمین محسن نقوی کی کل وزیراعظم شہباز شریف سے ملاقات متوقع ہے، جس میں ٹی ٹوئنٹی ورلڈ کپ میں شرکت یا نہ ہونے کے حوالے سے بات چیت کا امکان ہے۔
پی سی بی نے میگا کرکٹ ایونٹ میں شرکت یا نہ کرنے کے حوالے سے وزیر خارجہ اسحاق ڈار سے بھی مشاورت کا فیصلہ کیا ہے۔
وفاقی وزیراطلاعات عطاء تارڑ نے کہا ہے کہ مشاورت کا عمل جاری ہے، جو بھی فیصلہ ہوگا اس سے آگاہ کیا جائے گا۔
اس سے قبل محسن نقوی نے قومی ٹیم کے کھلاڑیوں سے ملاقات کی اور انہیں آئی سی سی کے فیصلے سے پیدا ہونے والی صورتحال پر اعتماد میں لیا۔
مزید پڑھیں:سرکاری ہسپتالوں سےمتعلق اہم حکومتی فیصلہ سامنے آگیا
