لاہور (اے بی این نیوز) پنجاب بھر میں تعلیمی ادارے 19 جنوری سے تعلیمی سرگرمیوں کے لیے دوبارہ کھولے جائیں گے۔ ایجوکیشن اتھارٹی لاہور کے مطابق صوبے بھر کے اسکول صبح 8 بج کر 45 منٹ پر کھلیں گے تاکہ طلبہ کے لیے تعلیمی معمولات شروع ہو سکیں۔
بچوں کی روزانہ چھٹی دوپہر 1 بج کر 30 منٹ پر ہوگی،اساتذہ کے لیے چھٹی دوپہر 2 بج کر 30 منٹ مقرر کی گئی ہے،جمعہ کے روز بچوں کی چھٹی 12:15 بجے ہوگی۔
ایجوکیشن اتھارٹی نے واضح کیا کہ موجودہ اوقات کار میں فی الحال کوئی تبدیلی نہیں کی گئی، اور تمام تعلیمی ادارے اسی نظام کے مطابق انتظامات مکمل کریں گے۔ والدین اور اساتذہ کو ہدایت کی گئی ہے کہ وہ طلبہ کو مقررہ وقت پر اسکول بھیجیں اور تمام حفاظتی و تعلیمی ہدایات پر عمل کریں۔
ماہرین تعلیم کے مطابق اسکولز کے کھلنے سے طلبہ کی تعلیمی سرگرمیاں بہتر ہوں گی اور ان کی سماجی و نفسیاتی نشوونما میں بھی مدد ملے گی۔ والدین اور اساتذہ کی ذمہ داری ہے کہ وہ بچوں کی تعلیم اور صحت کے توازن کو برقرار رکھتے ہوئے نئے تعلیمی سال کا آغاز کریں۔
ایجوکیشن اتھارٹی کا کہنا ہے کہ اسکولز کے دوبارہ کھلنے کے بعد طلبہ کی تعلیم میں تسلسل اور تعلیمی معیار کو برقرار رکھنے کے لیے انتظامات مزید بہتر کیے جا رہے ہیں۔
مزید پڑھیں:ملک کے بیشتر حصوں میں بارش اور برفباری کی پیشگوئی
