راولپنڈی (اے بی این نیوز) پی ٹی آئی ارکان اسمبلی نے اڈیالہ پولیس کے خلاف تحریک استحقاق لانے کا فیصلہ کر لیا۔
گزشتہ روز ڈاکٹر امجد اور صاحبزادہ صبغت اللہ اڈیالہ جیل پہنچے تو پولیس نے انہیں وہاں جانے سے روک دیا۔
ڈاکٹر امجد کا کہنا ہے کہ ہم نے پولیس کے رویے کے خلاف تحریک استحقاق لانے کا فیصلہ کیا ہے۔
انہوں نے کہا کہ بطور ایم ایل اے ہمیں پولیس کے سخت رویے کا سامنا کرنا پڑا۔ اگر ایم ایل ایز کے ساتھ ایسا رویہ ہے تو عام شہریوں کا اللہ ہی حافظ ہے۔
ان کا کہنا ہے کہ منتخب نمائندوں کے خلاف رویے سے نفرت پیدا ہوگی۔
اس موقع پر صاحبزادہ صبغت اللہ نے کہا کہ ہمیں پولیس کے رویے پر افسوس ہے، ہم اڈیالہ جیل کے گیٹ پر گئے لیکن ملاقات نہیں کرنے دی گئی۔
واضح رہے کہ ڈاکٹر امجد اور صاحبزادہ صبغت اللہ ملاقات نہ ہونے پر اڈیالہ روانہ ہوگئے تھے۔
مزید پڑھیں:ریاست کسی افراتفری کی متحمل نہیں ہوسکتی، وزیراعظم آزادکشمیر
