بحرین ( اے بی این نیوز     )بحرین کی حکومت نے رہائشی ویزا پروگرام میں اہم نرمی کا اعلان کرتے ہوئے گولڈن ویزا کے لیے سرمایہ کاری کی کم از کم حد 35 فیصد کم کر دی ہے۔ نئے ضوابط کے مطابق ملک میں سرمایہ کاری کی شرط 2 لاکھ بحرینی دینار سے گھٹا کر 1 لاکھ 30 ہزار دینار مقرر کر دی گئی ہے۔

وزارتِ داخلہ کے قومی شہریت، پاسپورٹس اور رہائشی امور کے مطابق جو افراد 130000 دینار مالیت کی جائیداد رکھتے ہیں، وہ اب گولڈن ویزا حاصل کرنے کے اہل ہیں۔ اس ویزا پروگرام میں رئیل اسٹیٹ سرمایہ کار، ایسے پیشہ ور افراد جو ماہانہ کم از کم 2000 دینار کماتے ہیں، اور ایسے ریٹائرڈ افراد شامل ہیں جو بحرین میں 15 سال تک کام کر چکے ہوں۔

غیر مقیم ریٹائر افراد جن کی ماہانہ پنشن 4000 دینار یا اس سے زیادہ ہے وہ بھی اس سہولت سے فائدہ اٹھا سکتے ہیں۔

گولڈن ویزا کیلئے درخواست وزارت کے آن لائن پورٹل کے ذریعے جمع کرائی جائے گی، جس کے ساتھ پاسپورٹ، چھ ماہ کی بینک اسٹیٹمنٹس، صحت بیمہ اور رہائش کے ثبوت منسلک کرنا لازم ہوگا۔ درخواست فیس 5 بحرینی دینار رکھی گئی ہے۔

مزید پڑھیں :امریکہ،مجرمانہ سرگرمیوں میں ملوث افغان شہریوں کی فہرست جاری