اسلام آباد( اے بی این نیوز  )ملک کے بالائی علاقوں میں مطلع ابر آلود رہنے کے علاوہ چند مقا مات پر تیز ہوائوں اور گرج چمک کے ساتھ بارش اور پہاڑوں پر برفباری کا امکان ہے ۔ محکمہ موسمیات کے مطابق بدھ کے روز ملک کے بیشتر علاقوں میں موسم سرد اور خشک رہے گا تاہم شمالی بلوچستان ، گلگت بلتستان اور خیبر پختونخوا میں مطلع ابر آلود رہنے کے علاوہ چند مقا مات پر تیز ہوائوں اور گرج چمک کے ساتھ بارش اور پہاڑوں پر برفباری کی توقع ہے ۔گذشتہ 24 گھنٹے کے دوران ملک کے بیشتر علاقوں میں موسم سرد اور خشک رہا۔ اس دوران ملک میں کم سےکم درجہ حرارت لہہ منفی 10 ،کالام منفی 09، گوپس منفی 05 ،پاراچنار اور استور میں منفی 04ڈگری سینٹی گریڈ ریکارڈ کیا گیا۔