اسلام آباد (اے بی این نیوز   )ترکیہ زلزلہ کیلئے پی ایم ریلیف فنڈز قائم کر دیا گیا،وزیراعظم شہباز شریف نےعوام سے عطیات دینے کی اپیل کرتے ہو کہا کہ مخیر حضرات، ادارے اور عوام دل کھول کر عطیات دیں ،،ترکیہ نے 2005 کے زلزلے، 2010 اور 2022 کے تباہ کن سیلابوں میں مخلصانہ اور فراخ دلانہ مدد کی تھی وزیراعظم نے کہا کہ انہوں نے “پی ایم ریلیف فنڈ فار ترکیہ ارتھ کوئیک وکٹمز” قائم کردیا ہے،عوام اور مخیر حضرات اکاونٹ نمبر G-12166 میں فراخ دلانہ عطیات جمع کرائیں،برادر ملک میں 7.8 شدت کے زلزلے سے قیامت صغری کا منظر ہے،ہزاروں افراد جاں بحق ہو چکے ہیں، ترکیہ نے پاکستان کے قومی مفادات کے تحفظ اور عوام کو درپیش مشکلات میں ہمیشہ مخلصانہ اور فراخ دلانہ مدد کی ہے، مشکل کی اس گھڑی میں پاکستان کی حکومت اور عوام بھی ترکیہ کے اپنے بھائیوں اور بہنوں کی بھرپور مدد کریں گے ،ترکیہ کے عوام کی مدد ہماری دینی زمہ داری ہے۔