لاہور(اے بی این نیوز)بھارت نے دریائے ستلج میں مزید پانی چھوڑ دیا جس کے بعد حکومت نے الرٹ جاری کردیا۔ تفصیلات کے مطابق دریائے ستلج میں ہریکے ڈاؤن اسٹریم اور فیروزپور ڈاؤن اسٹریم میں اونچے درجے کا سیلاب ہے۔دریائے ستلج میں پانی کے بہاؤ میں مزید اضافے کا خدشہ ہے۔

دوسری جانب دریائے چناب اور راوی بپھرنے سے ملتان کی تحصیل جلالپور پیر والا کا شہری علاقہ ڈوبنے کا شدید خطرہ پیدا ہو گیا۔شہر کو بچانے کے لئے بائی پاس پر شگاف ڈال دیا گیا، پانی کا بہاؤ شہر کی جانب کم کرنے کی کوشش کی جا رہی ہے۔

دریائے چناب کا پانی شہر کے قریب بنائے جانے والے بند کو کسی بھی وقت توڑ سکتا ہے، لوگوں کوریسکیو کرنےکے لئے 5 ڈرون اور مزید 50 کشتیاں منگوالی گئی ہیں۔مظفر گڑھ کے علاقے عظمت پور میں بند ٹوٹنے سے کئی بستیاں زیر آب آگئی ہیں۔

اسسٹنٹ کمشنر کے مطابق 7 ہزار سے زیادہ افراد کو نقل مکانی پر مجبور ہونا پڑا اور بند ٹوٹنے سے فصلیں تباہ ہوگئیں۔راجن پور میں دریائے سندھ میں پانی کی سطح بلند ہونے سے 23 دیہات زیر آب آگئے۔
مزید پڑھیں: پاکستان میں آج بروزپیر8ستمبر 2025 ڈالرکی تازہ ترین قیمت