اسلام آباد ( اے بی این نیوز) پاکستان تحریک انصاف کے رہنما شہریار آفریدی نے قومی اسمبلی کی دونوں قائمہ کمیٹیوں سے استعفیٰ دے دیا۔ شہریار آفریدی نے قائمہ کمیٹی برائے داخلہ اور پارلیمانی کمیٹی برائے کشمیر سے استعفیٰ دے دیا ہے۔ اس حوالے سے ان کا کہنا ہے کہ انہوں نے پی ٹی آئی بانی کے حکم پر دونوں کمیٹیوں سے استعفیٰ دیا ہے۔

پی ٹی آئی کے 18 ارکان قومی اسمبلی نے قائمہ کمیٹیوں سے استعفے سپیکر آفس میں جمع کرا دیئے ہیں۔ بیرسٹر گوہر، فیصل امین گنڈا پور، علی اصغر اور اراکین اسمبلی نے اپنے استعفے سپیکر کے چیمبر میں جمع کرا دیئے۔ جنید اکبر کا پی اے سی سے استعفیٰ بھی سپیکر آفس پہنچا دیا گیا۔ عامر ڈوگر اور شیخ وقاص اکرم نے بھی قائمہ کمیٹیوں سے استعفے جمع کرا دیئے۔ سٹینڈنگ کمیٹیوں سے شہریار آفریدی اور آصف خان کے استعفے بھی سپیکر آفس میں جمع کرا دیئے گئے۔

مزید پڑھیں :عمران خان کے حوالے سے اہم خبر سامنے آگئی، جا نئے کیا