کراچی (اے بی این نیوز)سندھ حکومت نے پولیس کی تفتیشی صلاحیت کو مزید بہتر بنانے کے لیے2ہزار اے ایس آئی انویسٹیگیشن بھرتی کرنے کا فیصلہ کرلیا۔فیصلہ چیف سیکریٹری سندھ آصف حیدرشاہ کی زیرصدارت اہم اجلاس کیا گیا ہے،اجلاس میں آئی جی سندھ، ایڈیشنل چیف سیکریٹری اور دیگر افسران شریک ہوئے۔

چیف سیکریٹری سندھ نےکہا پولیس میں تفتیش کانظام بہترہوگا،توعوام کا اعتمادبڑھےگا،سندھ حکومت کا اقدام پولیس کی تحقیقاتی صلاحیتوں کوبہتربنانے کے لیے اہم ہے،بہتر تفتیشی نظام سےفوری انصاف اور جرائم میں واضح کمی ممکن ہے،اے ایس آئی انویسٹیگیشن کی بھرتی میں تمام رکاوٹیں ختم کی جائیں۔

آئی جی سندھ نےکہا پولیس میں اے ایس آئی انویسٹیگیشن کی بھرتی سے تفتیش کے معیار میں بہتری آئے گی،بہتر تفتیش سے انصاف کی فراہمی اور جرائم پیشہ عناصر کی گرفت ممکن ہوگی۔
مزید پڑھیں: راولپنڈی اور حسن ابدال سے فتنہ الخوارج کے 4 سہولت کار گرفتار