اسلام آباد (اے بی این نیوز) پاکستان بالخصوص پنجاب میں حالیہ بارشوں پر پاکستان پیپلزپارٹی کے مرکزی سیکرٹری اطلاعات ندیم افضل چن نے ردعملدیتے ہو ئے کہا ہے کہ پاکستان بالخصوص پنجاب میں بارشوں اور طوفانی موسم نے دل دہلا دینے والی تباہی مچائی۔
کسانوں کی فصلیں برباد، غریبوں کے گھر زمین بوس اور قیمتی جانور مر گئے۔ یہ محنت کش عوام کے لیے کسی سانحے سے کم نہیں، ان کے ساتھ دلی ہمدردی ہے۔ پنجاب میں ایمرجنسی نافذ کرنے کا فیصلہ درست سمت کا قدم ہے۔
ایمرجنسی محض کاغذی نہ رہے، متاثرین کو عملی ریلیف پہنچایا جائے۔ وزیراعظم اور وزیر اعلیٰ پنجاب کسانوں، مزدوروں کے نقصانات کا فوری ازالہ کریں۔ متاثرین کو گھروں کی تعمیر نو، مالی امداد، بیج، کھاد اور دیگر وسائل فراہم کیے جائیں۔
پیپلز پارٹی کا مشن ہے کہ مشکل وقت میں عوام کے ساتھ کھڑے رہیں۔ کارکن اپنے علاقوں میں متاثرہ بھائی بہنوں کی ہر ممکن مدد کریں۔ پاکستان پیپلز پارٹی وفاقی حکومت اور پنجاب حکومت سے ہر قسم کے تعاون کے لیے تیار ہے۔
پیپلزپارٹی کی ترجیح صرف عوام کی بحالی ہے، سیاست سے بالاتر ہو کر خدمت کی جائے۔
مزید پڑھیں :پاک فوج کا ملک بھر میں سیلاب متاثرہ علاقوں میں وسیع فضائی ریسکیو آپریشن
