اسلام آباد (اے بی این نیوز ) آئی ایس پی آر سمر انٹرنشپ -2025 کا انقعاد کیا گیا۔ آئی ایس پی آر سمر انٹرنشپ 2025 کا آغاز، ملک بھر سے طلباء کی بھرپور شرکت۔
آئی ایس پی آر سمر انٹرنشپ پاکستان کے 33 شہروں میں بیک وقت کامیابی سے جاری ۔

انٹرنشپ میں 150 سے زائد یونیورسٹیوں کے 6500 طلبہء پاکستان بھر سے حصہ لے رہے ہیں۔ پاکستان کی سب سے بڑی اور جامع انٹرنشپ میں شرکت پر طلباء کا جوش دیدنی تھا۔

طلباء کو علمی، تخلیقی اور عملی سرگرمیوں سے بھرپور تربیت فراہم کی جا رہی ہے۔

اس موقع پر طلباء نے اپنے جذبات اور عزم کا بھرپور اظہار کیا ۔ طلباء نے کہا کہ پاکستان کو ترقی کی راہ پر گامزن کرنے میں نوجوان نسل کو اہم کردار ادا کرنا ہو گا۔

ہم سب کو پاکستانی ہونے پر فخر ہونا چاہیے اور مل کر مُلک کی خدمت کرنی چاہیئے۔ انٹرنشپ پروگرام کے دوران مُلک کی نامور شخصیات طلباء کو اہم موضوعات پر رہنمائی فراہم کریں گی۔

تعلیمی ترقی اور قائدانہ صلاحیتوں کے فروغ کیلئے طلباء کو اہم موضوعات سے روشناس کرایا جائے گا ۔

سمر انٹرنشپ پروگرام نوجوانوں کو نئی سوچ، نیا وژن اور عملی تربیت فراہم کرنے کا پلیٹ فارم ہے۔ سمر انٹرنشپ پاک فوج کی جانب سے نوجوان نسل کو باصلاحیت بنانے کے لیے مؤثر اقدام ہے۔
مزید پڑھیں :بھارت کی جانب سے پانی چھوڑنے کا خدشہ، دریاؤں میں پانی کی سطح بلند