اسلام آباد ( اے بی این نیوز )

بھارتی حکومت کی جانب سے پہلگام حملے کے بعد پاکستان پر الزامات لگاتے ہوئے متعدد پاکستانی فنکاروں اور کرکٹرز کے سوشل میڈیا اکاؤنٹس بھارت میں بلاک کیے جانے پر معروف اداکارہ و میزبان اُشنا شاہ نے طنزیہ انداز میں ردعمل دے کر سوشل میڈیا پر توجہ حاصل کر لی۔

اُشنا شاہ نے انسٹاگرام پر طنزیہ تبصرہ کرتے ہوئے لکھا:

“میری دنیا ہی اُجڑ گئی ابھی، مودی جی یہ کیا کر دیا!”
ساتھ ہی اداکارہ نے رونے والے اور ٹوٹے دل والے ایموجیز کا استعمال کیا۔

اُشنا کا یہ تبصرہ سوشل میڈیا صارفین میں خوب وائرل ہوا، جہاں کئی افراد نے ان کے حاضر جواب انداز کی تعریف کی:

• ایک صارف نے لکھا: “کاش مودی یہ طنز سمجھ پائیں!”

• جبکہ دوسرے کا کہنا تھا: “جنہیں آپ سمجھا رہی ہیں، وہ عقل سے خالی ہیں، ورنہ یہ مضحکہ خیز حرکت نہ کرتے!”

بھارت میں جن پاکستانی فنکاروں کے انسٹاگرام اکاؤنٹس پر پابندی لگائی گئی ہے، ان میں:

• ماہرہ خان

• ہانیہ عامر

• علی ظفر

• اُشنا شاہ
  شامل ہیں۔