لاہور(ا ے بی این نیوز)آئی سی سی چیمپئنز ٹرافی کے پہلے سیمی فائنل میں آسٹریلیا نے بھارت کے خلاف ٹاس جیت کر بیٹنگ کافیصلہ کیا ہے۔ بھارتی ٹیم نے آتے ہی 58 رنز پر2 وکٹ لے لیں
دبئی کرکٹ اسٹیڈیم میں ٹاس کے بعد گفتگو کرتے ہوئے آسٹریلوی کپتان اسٹیو اسمتھ نے کہا کہ خشک وکٹ ہے، پہلے بیٹنگ کرکے اسکور بورڈ پر اچھا مجموعہ ترتیب دینے کی کوشش کریں گے۔
وکٹ سے متعلق پوچھے گئے سوال پر آسٹریلوی کپتان نے کہاکہ پاکستان کے مقابلے میں دبئی کی وکٹ کافی خشک ہے جوکہ گیند کے ٹرن ہونے میں مدد گار ثابت ہوگی، اسی لیے ہم پہلے بیٹنگ کرکے اسکور بورڈ پر اچھا مجموعہ ترتیب دیکر مخالف ٹیم کو دباؤ میں لینا چاہتے ہیں۔
اسٹیو اسمتھ میں نے بتایا کہ سیمی فائنل کے لیے ٹیم میں 2 تبدیلیاں کی گئی ہیں، کوپر کونلے اور تنویر سانگھا کو ٹیم میں شامل کیا گیا ہے۔
بھارتی کپتان روہت شرما نے کہا کہ وہ ٹاس جیت کر بیٹنگ اور باؤلنگ کرنا چاہتے کیونکہ دبئی کی وکٹ بہت مختلف ہے اور اگر آپ شش و پنج میں مبتلا ہوں تو ٹاس ہارنا ہی بہتر ہوتا ہے، انہوں نے بتایا کہ سیمی فائنل کے لیے بھی انہوں نے ٹیم میں کوئی تبدیلی نہیں کی اور 4 اسپنرز اور 2 فاسٹ باؤلرز کے ساتھ میدان میں اترنے کا فیصلہ کیا ہے۔
بھارتی پلیئنگ الیون
سیمی فائنل کے لیے بھارتی ٹیم کپتان روہٹ شرما، شبمن گل، ویرات کوہلی، شریاس ائیر، اکشر پٹیل، کے ایل راہول، ہاردک پانڈیا، روندرا جدیجہ، محمد شامی، کلدیپ یادیو، ورن چکرورتھی پر مشتمل ہے۔
آسٹریلوی پلیئنگ الیون
آسٹریلوی ٹیم کوپر کونلے، ٹریوس ہیڈ، کپتان اسٹیون اسمتھ، مارنس لبھوشانے، جوش انگلس، ایلکس کارے، گلین میکس ویل، بین دوارشوئس، ناتھن ایلس، ایڈم زامپا اور تنویر سانگھا پر مشتمل ہے۔
ملٹری ٹرائل کیس: سزا تو ہونی چاہیے ٹرائل یہاں ہو یا وہاں کیا فرق پڑتا ہے؟جسٹس جمال مندوخیل
