راولپنڈی (اے بی این نیوز) پاکستان نے دوسرے ٹی ٹوئنٹی میچ میں سری لنکا کو 82 رنز سے شکست دے کر تین میچز کی سیریز میں 0-2 کی فیصلہ کن برتری حاصل کرلی۔
راولپنڈی میں کھیلے گئے میچ میں پاکستان نے پہلے بیٹنگ کرتے ہوئے مقررہ 20 اوورز میں 3 وکٹوں کے نقصان پر 215 رنز بنائے۔ جواب میں سری لنکن ٹیم 20 اوورز میں 7 وکٹوں کے نقصان پر 133 رنز ہی بنا سکی، یوں پاکستان نے 82 رنز سے کامیابی حاصل کرکے سیریز اپنے نام کرلی۔
پاکستان کی جانب سے معاذ صداقت نے شاندار بیٹنگ کرتے ہوئے 96 رنز بنائے۔ ان کی اننگز میں 6 چوکے اور 7 چھکے شامل تھے۔ کپتان صاحبزادہ فرحان نے 73 رنز اسکور کیے، جن میں 4 چوکے اور 5 چھکے شامل تھے۔ فخر زمان نے 22 جبکہ حسن نواز نے 19 رنز بنائے۔
Maaz Sadaqat took on the Sri Lanka bowlers with a blazing 9️⃣6️⃣ 🔥🏏
He earns his first player of the match award in T20Is 💫
#PAKvSL | #BackTheBoysInGreen | #CricketKaJashan https://t.co/dQdv2MHob0
— Pakistan Cricket (@TheRealPCB) October 11, 2026
سری لنکا کی جانب سے ایشان ملنگا، مہیش تھیکشانا اور داسن شناکا نے ایک، ایک وکٹ حاصل کی۔
ہدف کے تعاقب میں سری لنکا کی جانب سے مہیش تھیکشانا نے 32، چمندو وکرما سنگھے نے 29، کمیندو مینڈس نے 23 اور سنتھ جے سوریا نے 22 رنز بنائے۔
پاکستان کی جانب سے عمران رندھاوا نے 3 کھلاڑیوں کو آؤٹ کیا، جبکہ سلمان مرزا نے 2 وکٹیں حاصل کیں۔ صائم ایوب اور ابرار احمد نے ایک، ایک کھلاڑی کو آؤٹ کیا۔
Hitting sixes for fun! 💥
Maaz Sadaqat unleashing his belligerence in style ✨
#PAKvSL | #BackTheBoysInGreen | #CricketKaJashan https://t.co/WuKtDCHM0O
— Pakistan Cricket (@TheRealPCB) October 11, 2026
تین میچوں کی سیریز کا آخری مقابلہ منگل کو کھیلا جائے گا۔ دوسرے ٹی ٹوئنٹی میچ میں سری لنکا نے اپنی ٹیم میں تین جبکہ پاکستان نے ایک تبدیلی کی تھی۔ قومی ٹیم میں رضا اللہ کی جگہ سلمان مرزا کو شامل کیا گیا تھا۔
مزید پڑھیں:پشاور میں موبائل فون سروس بند، ریڈ زون سیل، بی آر ٹی سروس بھی معطل
