اسلام آباد ( اے بی این نیوز )اسلام آباد ٹریفک پولیس نے راولپنڈی سٹیڈیم میں کھیلے جانے والے چیمپیئنز ٹرافی میچز کے دوران مختلف اوقات میں ٹریفک کے لئے روٹ پلان تشکیل دیا ہے۔
غیر ملکی ٹیم کی امدورفت کے باعث آج رات 09 سے 11 بجے رات تک سری نگر ہائی وے، کلب روڈ اور ایکسپریس ہائی وے پر روٹ لگایا جائے گا۔اسلام آباد ٹریفک پولیس کے مطابق
روٹ کے باعث سری نگر ہائی وے اور ایکسپریس وے پر ٹریفک تعطل کا شکار رہے گی۔ روٹ کے باعث سری نگر ہائی وے اور ایکسپریس ہائی وے پر ٹریفک سست روی کا شکار رہے گی۔ شہری دوران روٹ اسلام آباد میں سفر کے لیئے مختلف انڈر پاسز اور مرکزی شاہراہوں سے منسلک سروس روڈ کا استعمال کریں۔
شہری اسلام آباد میں سفر کے لیئے مختلف انڈر پاسز کا استعمال کریں۔ کسی بھی سفری دشواری سے بچنے کے شہری 20 منٹ کا دورانیہ رکھ کر گھر سے نکلیں۔ ایکسپریس وے سے آنے والی ٹریفک کھنہ پل، پارک روڈ کا استعمال کریں۔ روٹ کے دوران اسلام چوک پل اور آئی جے پی روڈ کھلے رہے گے۔
بی 17، بی15، ایچ 13اور جی 13/14 سے بلیو ایریا یا ایف سکس آنے والی ٹریفک مارگلہ روڈ استعمال کرسکتی ہے۔ بلیو ایریا کی جانب سفر کے لیئے نائتھ ایونیو اور ایچ ایٹ انڈر پاس کا استعمال کیا جائے۔ شہریوں کی رہنمائی کے لیئے اسلام آباد ٹریفک پولیس مختلف مقامات پر موجود رہے گی۔
سفر کے دوران کسی بھی پریشانی اور رہنمائی کے لیئے ٹریفک ہیلپ لائن 1915 پر رابطہ کریں۔ ٹریفک پولیس کا سوشل میڈیا پلیٹ فارم شہریوں کو بروقت ٹریفک روٹس سے متعلق آگاہی کے لئے موجود ہے۔
مزید پڑھیں :وزیر اعلیٰ کی سوشل میڈیا ٹیم مبینہ طور پر بھتہ خور نکلی،مبینہ نذرانے وصول کئے جانے کا انکشاف
