دبئی (  اے بی این نیوز    )آئی سی سی چیمپئنز ٹرافی کے پانچویں میچ میں بھارت نے پاکستان کو 6 وکٹوں سے شکست دے دی۔پاکستانی ٹیم نے ٹاس جیت کر پہلے بیٹنگ کا فیصلہ کیا اور پوری ٹیم 241 رنز پر ڈھیر ہوگئی، بھارت کو جیت کے لیے 242 رنز کا ہدف دیا۔
ہدف کے تعاقب میں ہندوستانی ٹیم نے شاندار آغاز کیا اور ویرات کوہلی کی شاندار بلے بازی کی بدولت ہدف 42.3 اوورز میں حاصل کرلیا۔بھارت کی پہلی وکٹ 31 رنز پر گری، بھارتی ٹیم کے کپتان روہت شرما شاہین شاہ آفریدی کی گیند پر بولڈ ہوگئے۔
روہت شرما نے 15 گیندوں میں 1 چھکے اور 3 چوکوں کی مدد سے 20 رنز بنائے۔اس سے قبل پاکستان نے بھارت کے خلاف ٹاس جیت کر پہلے بیٹنگ کا فیصلہ کیا تھا۔چیمپئنز ٹرافی: بھارتی کرکٹ ٹیم نے لگاتار 12 بار ٹاس ہارنے کا ریکارڈ قائم کر دیا۔
پاکستان کی جانب سے بابر اعظم اور امام الحق نے اننگز کا آغاز کیا جب کہ فاسٹ بولر محمد شامی نے بھارت کی جانب سے پہلا اوور کرایا۔پاکستانی اوپنرز نے ذمہ داری اور محتاط انداز میں اننگز کا آغاز کیا اور ٹیم کے اسکور کو 6 اوورز میں 26 رنز تک لے گئے۔بابر اعظم 26 گیندوں پر 23 رنز بنانے کے بعد وکٹ کے پیچھے کیچ آؤٹ ہوئے جب کہ امام الحق 10 رنز بنانے کے بعد پویلین لوٹ گئے۔

ایک موقع پر بابر اعظم نے شاندار کور ڈرائیوز مارنا شروع کر دیں اور بھارتی کھلاڑیوں میں بے چینی کے آثار نظر آنے لگے لیکن اسی دوران پاکستان کی پہلی وکٹ 8.2 اوورز میں 41 رنز پر گری جب کہ دوسری وکٹ 47 رنز پر گری۔

جس کے بعد کپتان محمد رضوان اور سعود شکیل نے 104 رنز کی شراکت قائم کی۔ تیسرے پاکستانی آؤٹ ہونے والے کھلاڑی محمد رضوان تھے جو 46 رنز بنانے کے بعد اکشر پٹیل کے ہاتھوں بولڈ ہوئے۔ویرات کوہلی کی سنچری کی بدولت بھارت نے پاکستان کو 6 وکٹوں سے شکست دے دی۔

ان کی وکٹ گرنے کے فوری بعد پاکستانی بیٹنگ لائن کو ایک بار پھر مشکلات کا سامنا کرنا پڑا۔ پہلے سعود شکیل نے کیچ لیا لیکن اس کے فوراً بعد وہ بھی 76 گیندوں پر 5 چوکوں کی مدد سے 62 رنز بنا کر آؤٹ ہو گئے۔ اس طرح پاکستان کو 159 کے مجموعی سکور پر چوتھا نقصان سعود شکیل کی صورت میں اٹھانا پڑا۔آؤٹ ہونے والے پانچویں پاکستانی کھلاڑی طیب طاہر تھے جو 165 کے اسکور پر 6 گیندوں پر 4 رنز بنا کر آؤٹ ہوئے، اس کے بعد پاکستان کے چھٹے کھلاڑی سلمان آغا 200 کے مجموعی اسکور پر 19 رنز بنا کر آؤٹ ہوئے، شاہین آفریدی بھی اسی سکور پر ایل بی ڈبلیو آؤٹ ہوئے۔
بھارت کے خلاف میچ سے چند منٹ قبل شاہین آفریدی نے اپنا پلان بتا دیا۔وکٹ کے ایک طرف خوشدل شاہ رنز بناتے رہے، پہلے نسیم شاہ نے 14 رنز بنا کر ان کا ساتھ دیا، پھر حارث رؤف نے 8 رنز بنا کر سکور کو آگے بڑھانے میں مدد کی۔

بھارت کی جانب سے کلدیپ یادیو نے 3، ہاردک پانڈیا نے 2 جب کہ ہرشت رانا، اکسر پٹیل اور ویندرا جدیجا نے ایک ایک وکٹ حاصل کی۔اور اس سے قبل دبئی میں ٹاس کے بعد گفتگو کرتے ہوئے پاکستان کرکٹ ٹیم کے کپتان محمد رضوان نے کہا کہ آج کے میچ میں ہماری ٹیم اچھی کارکردگی کا مظاہرہ کرے گی۔

محمد رضوان نے کہا کہ آج کے میچ کے لیے ٹیم میں ایک تبدیلی کی گئی ہے، فخر زمان کی جگہ امام الحق کو ٹیم میں شامل کیا گیا ہے۔انہوں نے کہا کہ ہمارے کھلاڑی یہاں کی کنڈیشنز سے ہم آہنگ ہیں، آئی سی سی ٹورنامنٹ کا ہر میچ اہم ہے، آج پچ سست ہوسکتی ہے، شام کو اوس پڑنے کے امکانات کم ہیں۔

پاکستان اور بھارت کا ٹاکرا، شائقین بھرپور تیاری کے ساتھ سٹیڈیم پہنچ گئے۔بعد ازاں بھارتی کپتان روہت شرما کا کہنا تھا کہ اگر ہم ٹاس جیتتے تو بولنگ کرتے، پاکستان کے ٹاس جیتنے سے ہمیں کوئی فرق نہیں پڑتا، آج کی پچ بھی پچھلے میچ جیسی ہے۔روہت شرما نے کہا کہ ہمارے پاس تجربہ کار بلے باز ہیں، ٹیم میں کوئی تبدیلی نہیں کی گئی، آج کے میچ میں تمام کھلاڑیوں کا پرفارم کرنا ضروری ہے۔
مزید پڑھیں :مظفرآباد و گردو نواح میں زلزلے کے شدید جھٹکے،زلزلےکی شدت4.3،گہرائی12کلومیٹرریکارڈ