راولپنڈی ( اے بی این نیوز )چمپیئنز ٹرافی کے میچز کے دوران اسلام آباد،راولپنڈی میں 24، 25 اور27 فروری کو صبح ساڑھے سات سے لے کررات ڈیڑھ بجے تک تمام بڑی گاڑیوں کا داخلہ بند ہوگا۔ ترجمان این ایچ اے کے مطابق
پشاور سے براستہ جی ٹی روڈ بجانب راولپنڈی اسلام آباد آنے والی تمام بڑی گاڑیوں کو مارگلہ اور ٹیکسلا کے مقام پر روک دیا جائے گا۔
پشاور سے براستہ موٹروے پر آنے والی تمام بڑی گاڑیوں کو برہان انٹرچینج پر روک دیا جائے گا۔
لاہور سے براستہ موٹروے پر آنے والی تمام بڑی گاڑیاں چکری انٹرچینج کے مقام پر روک دی جائیں گی۔ لاہور سے براستہ جی ٹی روڈ پر آنے والی تمام بڑی گاڑیوں کو مندرا ٹول پلازہ کے مقام پر روک دیا جائے گا۔
کشمیر اور مری سے آنے والی تمام بڑی گاڑیاں 17 میل ٹال پلازہ سے 20 کلومیٹر پہلے روک دی جائیں گی۔ تمام بڑی گاڑیوں کے مالکان اور ڈرائیوران کو ہدایت کی جاتی ہے کہ کسی بھی تکلیف و پریشانی سے بچنے کے لیے 24، 25 اور 27 فروری صبح 7:30 بجے سے رات 1:30 بجے تک راولپنڈی اسلام آباد کی طرف سفر سے گریز کریں اور کسی محفوظ مقام پر اپنے قیام کو یقینی بنائیں۔
مزید پڑھیں :دھاتی ڈور سے 4 سالہ بچی زخمی، کریک ڈاؤن، 137 ملزمان گرفتار
