دبئی (اے بی این نیوز)چیمپئنز ٹرافی کے پانچویں میچ میں پاکستان نے بھارت کے خلاف ٹاس جیت کر پہلے بیٹنگ کا فیصلہ کیا۔دبئی انٹرنیشنل اسٹیڈیم میں پاکستان کی جانب سے بابر اعظم اور امام الحق نے اننگز کا آغاز کیا جب کہ فاسٹ بولر محمد شامی نے بھارت کی جانب سے پہلا اوور کرایا۔اب تک 185 پر 5 پاکستانی کھلاڑی آؤٹ ہو چکے ہیں
پاکستانی اوپنرز نے ذمہ داری اور محتاط انداز میں اننگز کا آغاز کیا اور ٹیم کے اسکور کو 6 اوورز میں 26 رنز تک لے گئے۔ایک موقع پر بابر اعظم نے شاندار کور ڈرائیوز مارنا شروع کر دیں اور بھارتی کھلاڑیوں میں بے چینی کے آثار نظر آنے لگے لیکن اسی دوران پاکستان کی پہلی وکٹ 8.2 اوورز میں 41 رنز پر گری جب کہ دوسری وکٹ 47 رنز پر گری۔
بابر اعظم 26 گیندوں پر 23 رنز بنانے کے بعد وکٹ کے پیچھے کیچ آؤٹ ہوئے جب کہ امام الحق 10 رنز بنانے کے بعد پویلین لوٹ گئے۔شاہین آفریدی نے بھارت کے خلاف میچ سے چند منٹ قبل اپنے پلان کا انکشاف کیا۔
اس سے قبل دبئی میں ٹاس کے بعد گفتگو کرتے ہوئے پاکستان کرکٹ ٹیم کے کپتان محمد رضوان نے کہا کہ آج کے میچ میں ہماری ٹیم اچھی کارکردگی کا مظاہرہ کرے گی۔محمد رضوان نے کہا کہ آج کے میچ کے لیے ٹیم میں ایک تبدیلی کی گئی ہے، فخر زمان کی جگہ امام الحق کو ٹیم میں شامل کیا گیا ہے۔
انہوں نے کہا کہ ہمارے کھلاڑی یہاں کی کنڈیشنز سے ہم آہنگ ہیں، آئی سی سی ٹورنامنٹ میں ہر میچ اہم ہے، آج پچ سست ہوسکتی ہے، شام کو اوس پڑنے کے امکانات کم ہیں۔پاکستان اور بھارت کا ٹاکرا، شائقین بھرپور تیاری کے ساتھ سٹیڈیم پہنچ گئے۔
بعد ازاں بھارتی کپتان روہت شرما کا کہنا تھا کہ اگر ہم ٹاس جیتتے تو بولنگ کرتے، پاکستان کے ٹاس جیتنے سے ہمیں کوئی فرق نہیں پڑتا، آج کی پچ بھی پچھلے میچ جیسی ہے۔روہت شرما نے کہا کہ ہمارے پاس تجربہ کار بلے باز ہیں، ٹیم میں کوئی تبدیلی نہیں کی گئی، آج کے میچ میں تمام کھلاڑیوں کا پرفارم کرنا ضروری ہے۔
بابر اعظم، امام الحق، سعود شکیل، محمد رضوان، آغا سلمان، طیب طاہر، خوشدل شاہ، ابرار احمد، نسیم شاہ، شاہین آفریدی اور حارث رؤف آج بھارت کا مقابلہ کرنے کے لیے میدان میں اترے ہیں۔
روہت شرما، شبمن گل، ویرات کوہلی، شریاس ایر، اکسر پٹیل، کے ایل راہول، ہاردک پانڈیا، رویندرا جدیجا، ہرشت رانا، محمد شامی اور کلدیپ یادیو آج کے میچ کے لیے ٹیم کا حصہ ہیں۔یاد رہے کہ اس ٹورنامنٹ میں دونوں ٹیموں کا یہ دوسرا میچ ہوگا۔ پاکستان کو پہلے میچ میں نیوزی لینڈ نے شکست دی تھی جبکہ بھارت نے بنگلہ دیش کے خلاف پہلا میچ جیتا تھا۔
مزید پڑھیں :
