لاہور ( اے بی این نیوز )بھارت کی معروف اداکارہ و ہدایت کارہ نندیتا داس لاہور پہنچ گئی ہیں، جہاں انہوں نے فیض فیسٹیول میں شرکت کی۔ سیشن کے دوران نندیتا داس نے اپنے خیالات کا اظہار کرتے ہوئے کہا کہ وہ آٹھ سال بعد پاکستان آئی ہیں اور انہیں پاکستان آنے کے لیے بہانے کی ضرورت ہوتی ہے۔
نندیتا داس نے اپنی 40 سے زائد فلموں کی کامیاب کیریئر کا ذکر کرتے ہوئے کہا کہ وہ کبھی بھی اداکارہ نہیں بننا چاہتی تھیں، لیکن حادثاتی طور پر اداکارہ بن گئیں۔ انہوں نے یہ بھی کہا کہ وہ گانا سیکھنا چاہتی ہیں اور شاعری بھی کرنا چاہتی ہیں۔
نندیتا داس نے کئی مشہور فلموں میں اداکاری کی ہے اور 2008 میں ریلیز ہونے والی پاکستانی فلم *رام چند* میں بھی مرکزی کردار ادا کیا تھا۔ اداکاری کے علاوہ، وہ اب ہدایتکارہ بھی ہیں اور کئی فلمیں بھی بنا چکی ہیں۔
