راولپنڈی(نیوز ڈیسک ) چیف آف آرمی اسٹاف (سی او اے ایس) جنرل سید عاصم منیر نے ایرانی مسلح افواج کے چیف آف جنرل اسٹاف میجر جنرل محمد باقری سے ملاقات کی۔مسلح افواج کے شعبہ تعلقات عامہ (آئی ایس پی آر) کے مطابق آرمی چیف نے جی ایچ کیو راولپنڈی میں ایرانی چیف آف جنرل اسٹاف میجر جنرل محمد باقری سے ملاقات کی۔
آئی ایس پی آر کے مطابق ملاقات میں علاقائی سلامتی کی صورتحال اور دوطرفہ دفاعی تعاون پر تبادلہ خیال کیا گیا۔آئی ایس پی آر کا مزید کہنا تھا کہ اس موقع پر میجر جنرل باقری نے جی ایچ کیو میں یادگار شہداء پر پھول چڑھائے جب کہ پاک فوج کے چاق و چوبند دستے نے ایرانی آرمی کے چیف آف اسٹاف کو گارڈ آف آنر پیش کیا۔
مزید پڑھیں: چیمپئنز ٹرافی سے قبل آئی سی سی کے وفد کا ایک بار پھر قذافی اسٹیڈیم کا دورہ
