اسلام آباد ( اے بی این نیوز )اپوزیشن لیڈر عمر ایوب خان نے کہا ہے کہ پنجاب کے مختلف ڈویژنوں کے کمشنرز ہمارے ایم این ایز اور ایم پی اے کو فون کر کے پی ٹی آئی میں شمولیت کے حلف نامے پر دستخط نہ کرنے کے لیے دباؤ ڈال رہے ہیں۔
وہ انہیں شہباز شریف اور مریم نواز کی جانب سے وزارتوں اور دیگر لالچوں کی پیشکش کر رہے ہیں۔ انہوں نے ایکس پر اپنے ایک ٹویٹ میں مزید کہا کہ میرے پاس کمشنرز کے نام اور ثبوت ہیں۔
یہ ان سرکاری ملازمین کے لیے ایک واضح تنبیہ ہے جو غیر قانونی کام کر رہے ہیں۔ میں ان لوگوں کے نام سامنے رکھ کر شرمندہ کروں گا۔بحیثیت اپوزیشن لیڈر آپ کے خلاف عدالتوں میں ذاتی طور پر مقدمات شروع کروں گا اور عدالتوں میں آپ کا پیچھا کروں گا۔
شہباز شریف اور مریم نواز کو شرم آنی چاہیے۔ انہوں نے اپنا سبق نہیں سیکھا۔
مزید پڑھیں :بو لنےکی آزادی پرکوئی قدغن نہیں لگاسکتا،میرےکنڈکٹ کوصرف عمران خان مانیٹرکرسکتےہیں، شیرافضل مروت
