راولپنڈی(نیوز ڈیسک) ریسکیو 1122 کے ترجمان کے مطابق ہفتے کی رات دیر گئے گلزار قائد کے علاقے میں ایل پی جی ری فلنگ اسٹیشن میں اچانک آگ بھڑک اٹھی۔
مزید پڑھیں:پاکستان میں سولر پینل کی قیمتوں میں بڑی کمی، تازہ ترین اپ ڈیٹ

آگ نے آس پاس رکھے دیگر گیس سلنڈروں کو بھی اپنی لپیٹ میں لے لیا جس سے کئی گیس دھماکے ہوئے۔فائر فائٹرز اور فائر ٹینڈرز پر مشتمل ریسکیو 1122 کی ٹیمیں جائے حادثہ پر پہنچ گئیں اور آگ کو مزیدپھیلنے سے روک دیا۔

ترجمان نے مزید بتایا کہ واقعہ 3 منزلہ عمارت کے تہہ خانے میں پیش آیا۔ریسکیو ٹیموں نے آگ پر کامیابی سے قابو پالیا جو مزید عمارت کے رہائشی فلیٹس تک پہنچ سکتی ہے۔تفصیلات کے مطابق ایل پی جی ری فلنگ کی دکان میں کئی دھماکے ہوئے جس کے نتیجے میں دکان کو آگ لگ گئی اور نقصان پہنچا۔

رپورٹس میں اس بات کی تصدیق کی گئی ہے کہ ایک شخص جھلس کر زخمی ہوا جسے بچا کر ہسپتال منتقل کر دیا گیا۔ جبکہ عمارت کے رہائشی حصے محفوظ رہے۔ترجمان نے بتایا کہ ریسکیو اور آگ بجھانے کے کامیاب آپریشن میں 25 سے زائد ریسکیو اہلکاروں کے ساتھ 5 فائر ٹینڈرز نے حصہ لیا۔