پشاور(نیوزڈیسک)ڈسٹرکٹ اینڈ سیشن کورٹس اسلام آباد نے پی ٹی آئی حقیقی آزادی مارچ پر درج مقدمات میں وزیر اعلیٰ خیبرپختونخوا علی امین گنڈاپور اور شاہ محمود کے ناقابل ضمانت وارنٹ گرفتاری جاری کردیے ہیں، جبکہ فیصل جاوید خان اور علی نواز اعوان کو بری کردیا گیا ہے۔
جوڈیشل مجسٹریٹ نوید خان نے تھانہ کورال میں درج مقدمہ کی سماعت کا تحریری حکمنامہ جاری کردیا۔
حکمنامے میں کہا گیا ہے کہ طلبی کے باوجود مسلسل عدم پیشی پر شاہ محمود اورعلی امین گنڈاپور کے ناقابل ضمانت وارنٹ جاری ہوئے۔
مزیدپڑھیں:کراچی میں 2 ماہ کیلئے پتنگ بازی پر پابندی عائدکردی گئی
عدالت نے فیصل جاوید خان اور علی نواز اعوان کو عدم ثبوت کی بنا پر بری کرتے ہوئے کیس کو 20 مئی کو دوبارہ سماعت کیلئے مقرر کردیا۔
خیال رہے کہ بانی پی ٹی آئی عمران خان کو دالت پہلے ہی حقیقی آزادی مارچ کے اس کیس سے بری کر چکی ہے۔
