خان یونس(نیوزڈیسک) اسرائیل کا غزہ کے پناہ گزین کیمپوں پر بمباری ، مزید30 فلسطینی شہید ہوگئے، اسرائیل نے مظالم کی تمام حدیں پار کردیں، بمباری سے شہید ہونیوالوں میں خواتین اور بھی شامل ہیں۔
ہ شہادتیں غزہ کے علاقوں نصیرات، بوریج اور خان یونس کے پناہ گزین کیمپوں میں ہوئی۔ سیو دی چلڈرن نامی این جی او نے غزہ پر بمباری اور بھوک و افلاس سے بچوں کی اموات پر تشویش کا اظہار کرتے ہوئے کہا کہ اس جنگ سے بچوں کا کوئی لینا دینا نہیں لیکن سب سے زیادہ نقصان انہی بچوں کا ہوا۔فلسطینی وزارت صحت کا کہنا ہے کہ شمالی غزہ میں کمال عدوان اور الشفا ہسپتالوں میں پانی کی کمی اور غذائی قلت سے 6 بچے جاں بحق جبکہ درجن سے زائد کی حالت تشویشناک ہے۔
’’ایم ایس ایف‘‘ نے بھی خبردار کیا ہے کہ غزہ میں صحت کی دیکھ بھال کا پورا نظام تباہ ہوچکا ہے۔ یو ایس ایڈ کی سربراہ سمانتھا پاور نے غزہ میں امدادی سامان کی ترسیل کیلئے مزید محفوظ راہداریوں کے کھولنے کی ضرورت پر زور دیا
