جدہ (نیوزڈیسک)سعودی عرب حکام کا کہنا تھا کہ وہ بھارتی سیاحوں کی آمد کے منتظر ہیں۔ 2030 تک بھارت سے سعودی عرب آنے والوں کی تعداد 75 لاکھ سے زائد ہونے کا امکان۔

ٹریول شو میں ایشیا پیسیفک سعودی ٹور ازم اتھارٹی کے صدر الحسن الدباغ نے خطاب کرتے ہوئے کہا کہ سعودی عرب سیاحت کیلئے بھارت ایک ترجیحی مارکیٹ ہے۔ سعودی عرب کو حج اور عمرے کے علاوہ سیاحت اور تفریح کیلئے آنیوالے بھارتی باشندوں کا بھی انتظار ہے۔گزشتہ برس 15 لاکھ بھارتی باشندوں نے سعودی عرب کا سفر کیا۔ الحسن الدباغ کے مطابق دونوں ممالک اس حوالے سے بھرپور اشتراکِ عمل کے مرحلے میں ہیں۔

ساؤتھ ایشیاز ٹریول اینڈ ٹور ازم ایکسچینج کے تحت سعودی عرب جنوبی ایشیا سے زیادہ سے زیادہ لوگوں کو اپنے ہاں بلانا چاہتا ہے۔ سعودی حکام نے بھارت سمیت متعدد ممالک کیلئے ویزا کی سہولت کےساتھ 96 گھنٹے کے مفت ویزا کا بھی اعلان کررکھا ہے