شمالی وزیرستان ( نیوز ڈیسک ) پاک فوج کی جانب سے شمالی وزیرستان میں منشیات سے متعلق آگاہی مہم چلائی گئی، ذرائع کے مطابق پاک فوج کے زیر اہتمام شمالی وزیرستان کے علاقے دتہ خیل اور بویا میں منشیات سے متعلق آگاہی مہم چلائی گئی
مزید پڑھیں:الیکشن سے قبل عوام پر بجلی گرگئی،4 روپے 57 پیسے فی یونٹ مہنگی
، مہم کا مقصد نوجوانوں کو منشیات کے متعلق شعور دلانا اور اسکے نقصانات سے آگاہ کرنا تھا،آگاہی مہم میں پاک فوج، سول انتظامیہ اور مقامی افراد کے علاوہ ملک و مشران اور طلباء نے بڑی تعداد میں شرکت کی۔ سکول کے طالبعلموں کو بھی نشے سے بچاؤ کے بارے آگا ہ کیا گیا، طلباء نے نشہ ایک لعنت کے عنوان پر تقاریر بھی کیں۔
شمالی وزیرستان کے ڈاکٹروں نے بھی مقامی افراد میں نشے کے نقصانات کے بارے تفصیل سے آگاہ کیا، جبکہ نشے کے منفی اثرات کو اجاگر کرنے کیلئے ریلیاں نکالی گئی۔ اس موقع پر ملک ومشران اور مقامی افراد نے پاک فوج کے منشیات کیخلاف مثبت اقدام کی بھرپور پذیرائی کی، ایسی شعور اجاگر کرنیوالی تحریکوں کے شمالی وزیرستان میں مثبت اور دور اثرا نتائج مرتب ہونگے۔
