کراچی (نیوزڈیسک) بیرون ممالک سے کراچی آنے والے 3 مسافروں میں نئے کرونا ویرینٹ کا انکشاف ، ذرائع کے مطابق مسافروں میں کرونا کے نئے قسم کے وائرس کے ٹیسٹ مثبت آگئے جس کے بعد کراچی میں جے این ون ویریئنٹ کے کیسز کی تعداد 5 ہوگئی ۔کرونا کی نئی قسم کے پانچوں کیس کے نتائج نجی ہسپتال کی لیبارٹری نےجاری کردیئے۔قمبرشہداد کوٹ کا رہائشی 21 سالہ نصیر جدہ سے کراچی پہنچا تھا، شمالی وزیرستان کا 22سالہ رہائشی ابوظہبی سے جبکہ مہمند ایجنسی کا رہائشی 22سالہ تیسرا مسافر جدہ سے کراچی پہنچا تھا۔متاثرہ مسافروں میں کووڈ 19 کی ممکنہ علامات کے پیش نظر ان کا ٹیسٹ کیاگیاتھا۔اب تک سندھ میں جےاین ون کے 5 کیس رپورٹ ہوچکے ہیں۔محکمہ صحت کورونا کے جے این ون ویریئنٹ سے متعلق الرٹ ہے، اس حوالے سے سندھ کے ڈی ایچ اوز،ٹی ایچ کیوزاوراسپتالوں میں ہدایات جاری کی جاچکی ہیں۔طبی ماہرین کے مطابق کورونا کا نیا ویریئنٹ پہلےجیسا طاقتور نہیں ہے، عوام سے اپیل ہے کہ ممکنہ پھیلاؤ سے بچاؤ کےلیےاحتیاطی تدابیراختیارکریں۔
