اسلام آباد (اے بی این نیوز) ملک کے مختلف علاقوں میں آج 13 اکتوبر کو موسم کی صورتحال تبدیل ہونے کا امکان ہے، جبکہ بالائی علاقوں میں بارش، تیز ہواؤں اور گرج چمک کی پیشگوئی کی گئی ہے۔
اسلام آباد، راولپنڈی اور بالائی پنجاب کے بعض علاقوں میں دوپہر اور شام کے اوقات میں بارش ہو سکتی ہے۔ خیبر پختونخوا، کشمیر اور گلگت بلتستان کے مختلف مقامات پر بھی بارش اور تیز ہواؤں کا امکان ہے، جبکہ بلند پہاڑی علاقوں میں برف باری متوقع ہے۔
دوسری جانب سندھ کے بیشتر علاقوں میں موسم گرم اور خشک رہنے کا امکان ہے۔ شہریوں کو ہدایت کی گئی ہے کہ خراب موسم کے دوران احتیاطی تدابیر اختیار کریں اور آسمانی بجلی و تیز ہواؤں کی صورت میں کھلے مقامات پر جانے سے گریز کریں۔
محکمہ موسمیات کی تازہ پیشگوئی اور مقامی صورتحال سے باخبر رہنے کے لیے سرکاری موسمی اپ ڈیٹس پر نظر رکھیں۔
مزیدپڑھیں: ستاروں کی روشنی میں آپ کا آج منگل کا دن کیسا رہے گا؟
