راولپنڈی(نیوز ڈیسک)پاکستان عوامی مسلم لیگ کے سربراہ سابق وفاقی وزیر داخلہ شیخ رشید احمد نے کہا ہے کہ اس ہفتے میں عدلیہ کا تاریخی فیصلہ آ جائے گا، جو سپریم کورٹ کیخلاف اعلان جنگ کر کرے گا توساری قوم سڑکوں پر ہوگی، الیکشن ہی ملک کو افراتفری اور خون خرابے سے بچا سکتا ہے۔آج سماجی رابطے کی ویب سائٹ ٹوئٹر پر سابق وفاقی وزیر داخلہ شیخ رشید احمد نے کہا کہ رانا ثناء اللہ کے بیانانت کھلم کھلا اعلان جنگ اور عوام دشمنی کے مترادف ہیں، وزیر خزانہ کے بیانات نااہلی کا اعتراف ہے، حکومت آئین اور قانون کا فیصلہ ماننے کیلئے تیار نہیں ہیں تو پھر عوام کے الیکشن کے مقابلے کیلئے تیار رہیں۔
الیکشن ہی ملک کو افراتفری اورخون خرابےسے بچاسکتاہے عدالتی اصلاحات بل آئین سےمتصادم ہےملک بندگلی میں داخل ہوچکاہےآنےوالاہفتہ اہم ترین ہوگاحکومت عدلیہ پرہرطرف سےدباؤڈال رہی ہے عدلیہ وہی کرےگی جوآئین اورقانون کےمطابق ہوگاپوری قوم عدلیہ کےساتھ کھڑی ہےحکومت نےملک کوداؤپرلگادیاہے
— Sheikh Rashid Ahmed (@ShkhRasheed) April 1, 2023
انہوں نے کہا کہ ملک بندگلی میں داخل ہو چکا ہے، آنے والا ہفتہ اہم ترین ہوگا، حکومت عدلیہ پر ہرطرف سے دباؤ ڈال رہی ہے، عدلیہ وہی کرے گی جو آئین اور قانون کے مطابق ہوگا، حکومت نے ملک کو داؤ پر لگا دیا ہے، پوری قوم عدلیہ کے ساتھ کھڑی ہے۔