پی ایس ایل 11 کے فائنل میں اہم مرحلہ اس وقت سامنے آیا جب پشاور زلمی نے ٹاس جیت کر حیدرآباد کنگز مین کے خلاف پہلے فیلڈنگ کرنے کا فیصلہ کیا۔ اس فیصلے کے ساتھ ہی بڑے مقابلے کی باقاعدہ ابتدا سے پہلے ہی میدان میں دباؤ اور جوش کی فضا قائم ہو گئی۔
پشاور زلمی کے کپتان بابراعظم نے گفتگو کرتے ہوئے کہا کہ انہیں لاہور اور قذافی اسٹیڈیم میں ہمیشہ شاندار سپورٹ ملی ہے، اور ٹیم کا ماحول بھی اچھا ہے۔ ان کا کہنا تھا کہ وہ بھرپور کوشش کریں گے کہ اچھی اور مثبت کرکٹ پیش کریں۔ انہوں نے ٹیم میں ایک تبدیلی کا اعلان کرتے ہوئے بتایا کہ خرم شہزاد کی جگہ ناہید رانا کو اسکواڈ میں شامل کیا گیا ہے۔
پی ایس ایل فائنل کا وقت تبدیل، شائقین کیلئے نیا شیڈول جاری،جا نئے تفصیل
دوسری جانب حیدرآباد کنگز مین کے کپتان مارنس لبوشن نے کہا کہ ان کی ٹیم اسلام آباد یونائیٹڈ کے خلاف ایک سنسنی خیز میچ جیت کر یہاں پہنچی ہے اور فائنل کیلئے مکمل طور پر تیار ہے۔ ان کا کہنا تھا کہ ٹیم کا مورال بلند ہے اور وہ ہر حال میں بہترین کارکردگی دکھانے کی کوشش کریں گے۔
پی ایس ایل 11 فائنل،آج کون بنے گا مقدر کا سکندر،بڑا مقابلہ،بڑا انعام
دونوں ٹیموں کے کپتانوں کے بیانات سے واضح ہے کہ فائنل ایک سخت اور اعصاب شکن مقابلہ ہونے جا رہا ہے، جہاں ہر لمحہ میچ کا رخ بدل سکتا ہے۔
