پاک فوج کی جانب سے بھارتی اشتعال انگیزی کا بھرپور جواب دیا گیا، جس کے دوران راجوڑی سیکٹر میں ایڈیشنل ڈپٹی کمشنر راج کمار تھاپا ہلاک ہو گیا۔ سیکیورٹی ذرائع کے مطابق ہلاک ہونے والا افسر کشمیری مسلمانوں کے لیے خوف کی علامت سمجھا جاتا تھا۔
پاکستانی افواج کی کارروائی بھارت کو مؤثر جواب دینے کے لیے کی گئی، جس میں راج کمار تھاپا نشانہ بنا۔ ذرائع کا کہنا ہے کہ وہ بھارتی حکومت کی پشت پناہی میں دہشت گردوں کے ساتھ روابط رکھتا تھا اور سرکاری عہدے کا فائدہ اٹھاتے ہوئے عسکریت پسند عناصر کی مدد کرتا رہا۔
مزید بتایا گیا ہے کہ راج کمار اہم فوجی اجلاسوں میں شرکت کرتا تھا اور اس کی سرگرمیاں مقبوضہ کشمیر میں بدامنی پھیلانے کا باعث بنتی تھیں۔ بھارتی وزارت خارجہ اور سیکیورٹی حکام نے ایک مشترکہ پریس بریفنگ میں اس کی ہلاکت کی تصدیق بھی کی ہے۔
