اسلام آباد( اے بی این نیوز )برٹش ہائی کمشنر جین میریٹ کی جے یو آئی سربراہ مولانا فضل الرحمان کی رہائش گاہ آمد بین الاقوامی اور خطے کی صورتحال پر گفتگو ۔ حالیہ پاک بھارت کشیدگی اور خطے کے امن پر بات چیت کی گئی۔ مولانا فضل الرحمان نے کہا کہ
بھارت کا رویہ غیر ذمہ دارانہ ہے۔ بھارت اپنی ناکام سیکورٹی کا ملبہ پاکستان پر ڈال رہا ہے۔مودی اپنی سیاست بچانے کے لئے دونوں ملکوں کے عوام کو جنگ کی آگ میں دھکیل رہا ہے۔
برطانیہ اور بین الاقوامی برادری اس حوالے سے اپنا کردار ادا کرے۔
وطن کی دفاع کی خاطر اپوزیشن اور حکومت ایک پیج پر ہیں۔ قوم باہمی اتحاد سے مودی سرکار کا مقابلہ کرے گی۔ ملاقات میں مولانا اسجد محمود،مفتی ابرار احمد، طارق موجود تھے۔
مزید پڑھیں :سونے کی قیمت ہزاروں روپے نیچے گر گئی،جانئے کتنا سستا ہوا
