اسلام آباد(نیوز ڈیسک) پاکستان پیپلزپارٹی کی سینئررہنما سینیٹر شیری رحمان نے کہا ہے کہ عمران خان نے ہمیشہ دوسروں پر الزام تراشی کر کے سیاست میں رہنے کی کوشش کی ، جس شخص نے آج تک شہید بی بی کے قتل کی مذمت نہیں کی وہ آصف زرداری پر دہشتگرد تنظیم پر پیسہ لگانے کا الزام لگا رہا ہے، دہشتگرد تنظیموں کے اتحادی عمران خان خود ہیں،عمران خان کی جانب سے آصف علی زرداری پر جھوٹے اور من گھڑت الزام پر پیپلز پارٹی کے چاہنے والوں، عہدیداران اور کارکنان نے شدیدغصے کا اظہار کیا ہے۔ آج سماجی رابطے کی ویب سائٹ ٹوئٹر پر اپنے پیغام میں شیری رحمان نے کہا کہ پیپلز پارٹی عمران خان کے خلاف قانونی کارروائی کا ارداہ رکھتی ہے، اس طرح کی الزام تراشی کو کسی بھی صورت برداشت نہیں کیا جائے گا، عمران خان اب عدالت میں ثبوت پیش کریں یا اپنے جھوٹ پر سابق صدر زرداری سے معافی مانگیں۔
عمران خان کی جانب سے آصف علی زرداری پر جھوٹے اور من گھڑت الزام پر پیپلز پارٹی کے چاہنے والوں، عہدیداران اور کارکنان نے شدید غصے کا اظہار کیا ہے۔ پیپلزپارٹی عمران خان کے خلاف قانونی کاروائی کا ارادہ رکھتی ہے۔ اس طرح کے الزام تراشی کو کسی بھی صورت میں برداشت نہیں کیا جائے گا۔ 1/4
— SenatorSherryRehman (@sherryrehman) January 30, 2023
انہوں نے مزید کہا کہ تاریخ گواہ ہے پیپلز پارٹی ہمیشہ دہشتگرد تنظیموں کے سامنے دیوار بن کر کھڑی رہی ہے، ہم اس پارٹی سے تعلق رکھتے ہیں جس کی قائد نے سرعام دہشتگردوں کو چیلنج کیا، صدر زرداری نے شہید بی بی کے وعدے کے مطابق سوات میں پاکستان کا پرچم لہرایا۔
دہشتگرد تنظیموں کے اتحادی عمران خان خود ہیں۔ تاریخ گواہ ہے پیپلز پارٹی ہمیشہ دہشتگرد تنظیموں کے سامنے دیوار بن کر کھڑی رہی ہے۔ ہم اس پارٹی سے تعلق رکھتے ہیں جس کی قائد نے سرے عام دہشتگردوں کو چیلنج کیا، صدر زرداری نے شہید بی بی کے وعدے کے مطابق سوات میں پاکستان کا پرچم لہرایا۔3/4
— SenatorSherryRehman (@sherryrehman) January 30, 2023
