اسلام آباد (اے بی این نیوز)سوشل میڈیا پر منفی پروپیگنڈہ کرنے والوں کے خلاف گھیرا مزید تنگ، جے آئی ٹی نے طلب کرلیا۔سوشل میڈیا پر منفی پروپیگنڈہ کرنے والوں کے خلاف گھیرا مزید تنگ کر دیا گیا، مشترکہ تحقیقاتی ٹیم (جے آئی ٹی) نے طلبی کے نوٹس جاری کر دیئے۔
وفاقی حکومت کی جانب سے قائم کردہ جے آئی ٹی نے منفی پروپیگنڈہ کرنے والے پی ٹی آئی سوشل میڈیا ٹیم کے 10 ارکان آصف رشید، محمد ارشد، صبغت اللہ ورک، اظہر مشوانی، محمد نعمان افضل، جبران الیاس، سید سلمان رضا زیدی، زلفی بخاری اور علی حسن کو طلبی کے نوٹس جاری کیے ہیں۔
ان تمام افراد کو 7 مارچ 2025 کو دوپہر 12 بجے نوٹسز کے ذریعے جے آئی ٹی کے سامنے طلب کیا گیا ہے۔ نوٹس میں ان تمام افراد کو اس معاملے پر اپنی پوزیشن واضح کرنے کو کہا گیا ہے۔ذرائع کے مطابق جے آئی ٹی کے پاس اس حوالے سے کافی مواد موجود ہے جس سے ظاہر ہوتا ہے کہ یہ تمام افراد اس معاملے میں ملوث ہیں۔
جے آئی ٹی الیکٹرانک کرائمز ایکٹ 2016 کے سیکشن 30 کے تحت تشکیل دی گئی تھی اور اس کی سربراہی آئی جی اسلام آباد کر رہے ہیں۔جے آئی ٹی ان لوگوں سے تفتیش کر رہی ہے جنہوں نے پاکستان مخالف بیان بازی کی اور سوشل میڈیا پر بے بنیاد الزامات لگائے۔ جے آئی ٹی کا مقصد مجرموں کی نشاندہی کرنا اور ان کے خلاف قانون کے مطابق قانونی کارروائی کرنا ہے۔
مزید پڑھیں :کرکٹ بخار، 9مارچ ہائی وولٹیج ٹاکرا، میچ آفیشلز کا اعلان،بھارت یانیوزی لینڈ کون بنے گا چیمپیئن؟
