گوادر( اے بی این نیوز) گوادر انٹرنیشنل ایئرپورٹ کا افتتاح آج ہوگا، پاکستان انٹرنیشنل ایئرلائنز (پی آئی اے) کی پرواز نئے ایئرپورٹ پر اترنے والا پہلا تجارتی طیارہ بن گیا ہے۔ایک میڈیا رپورٹ کے مطابق، پاکستان ایئرپورٹس اتھارٹی (PAA) کے ایک اہلکار نے تصدیق کی کہ گوادر کا نیا بین الاقوامی ہوائی اڈہ آج سے کام شروع کر دے گا۔
پی آئی اے کے ترجمان نے بتایا کہ کراچی سے گوادر جانے والی پرواز پی کے 503 صبح لینڈ کرے گی۔کراچی کے جناح انٹرنیشنل ایئرپورٹ کی ویب سائٹ پر دستیاب فلائٹ شیڈول کے مطابق، پرواز کی روانگی صبح 9 بج کر 20 منٹ پر متوقع تھی۔مسافروں کے علاوہ ایوی ایشن ڈویژن کے سینئر افسران بھی افتتاحی پرواز میں شامل ہوں گے۔
پرواز کو لینڈنگ پر واٹر باؤزر سے روایتی واٹر سلامی دی جائے گی۔وزیر دفاع اور ہوابازی خواجہ آصف نئے ایئرپورٹ پر مسافروں کا استقبال کریں گے، جہاں افتتاحی پرواز کی خوشی میں ایک مختصر تقریب منعقد کی جائے گی۔گورنر بلوچستان جعفر خان مندوخیل، وزیراعلیٰ سرفراز بگٹی، چیف سیکریٹری شکیل قادر خان، سیکریٹری ایوی ایشن ڈویژن احسن علی منگی، ڈی جی پی اے اے ایئر وائس مارشل ذیشان سعید، ڈی جی ایئرپورٹس سیکیورٹی فورس میجر جنرل عدنان آصف اور ڈی جی سول ایوی ایشن اتھارٹی (سی اے اے) نے شرکت کی۔ تقریب میں شفیع ڈار بھی شرکت کریں گے۔
نئے ایئرپورٹ کا افتتاح اکتوبر میں چینی وزیراعظم لی کی چیانگ کے دورہ پاکستان کے دوران وزیراعظم شہباز شریف اور ان کے چینی ہم منصب نے کیا تھا۔
مزید پڑھیں: ایران نے زیر آب میزائل کمپلیکس کی ویڈیو جاری کردی
