لاہور( نامہ نگار) پنجاب کی گیارہ رکنی نگران کابینہ آج رات9 بجےگورنر ہاؤس میں حلف اٹھائے گی۔گورنر پنجاب محمد بلیغ الرحمان بھی حلف برداری تقریب میں شرکت کے لیے اسلام آباد سے لاہور پہنچ چکے ہیں۔ذرائع کے مطابق گورنر ہاؤس لاہور میں نگران کابینہ کی حلف برداری تقریب کے حوالے سے انتظامات کئے جا رہے ہیں۔پنجاب کی نگران کابینہ فائنل ہو گئی، 11 رکنی نگران کابینہ میں شامل افراد کے نام بھی سامنے آ گئے۔پنجاب کی نگران کابینہ کے لیے فائنل کے گئے ناموں میں بلال افضل، ایس ایم تنویر، ڈاکٹر جاوید اکرم شامل ہیں، ابراہیم مراد، تمکینت کریم، ڈاکٹر جمال ناصر، منصور قادر، وہاب ریاض بھی نگران کابینہ کا حصہ ہوں گے۔سید اظفر علی ناصر، عامر میر اور نسیم صادق بھی پنجاب کی نگران کابینہ میں شامل ہوں گے۔
