سعودی عرب کا پاکستان کی معاشی و اقتصادی ترقی کیلئے تعاون قابل ستائش ہے، ایاز صادق

اسلام آباد (اے بی این نیوز    ) اسپیکر قومی اسمبلی سردار ایاز صادق نے کہا ہے کہ پاکستان سعودی عرب کے ساتھ اپنے دیرینہ برادرانہ تعلقات کو بڑی اہمیت دیتا ہے،پاک سعودی تعلقات مذہب ، ثقافت ،تاریخ اور باہمی اعتماد و احترام کے اٹوٹ رشتوں میں بندھے ہوئے ہیں،پاکستان کی عوام سعودی عرب اور خادمین حرمین الشریفین سے گہری وابستگی رکھتی ہے،انہوں نے یہ بات سعودی عرب کے سفیر نواف بن سعید احمد المالکیسے ملاقات کے دوران کہی ،انہوں نے کہا کہ دونوں برادر ممالک اہم عالمی اور علاقائی ایشوز پر یکساں موقف رکھتے ہیں، دو طرفہ تعلقات کو مزید مستحکم بنانے کے لیے پارلیمانی سفارتکاری انتہائی اہمیت کی حامل ہے،پارلیمانی وفود کے تبادلوں اور پارلیمانی فرینڈشپ گروپس کے درمیان روابط دونوں اقوام کو مزید قریب لانے میں معاون ثابت ہوں گے،دونوں برادر

مزید پڑھیں :مجھ سے ڈیل کی نہ کسی نے کوئی بات نہ ہی کوئی پیغام آیا ،بانی پی ٹی آئی
اسلامی ممالک نے مشکل وقت میں ہمیشہ ایک دوسرے کا ساتھ دیا ہے،سعودی عرب کا پاکستان کی معاشی و اقتصادی ترقی کیلئے تعاون قابل ستائش ہے، سعودی عرب کی جانب سے پاکستان میں سرمایہ کاری کے عزم کا خیر مقدم کرتے ہیں، پاکستان میں بیرونی سرمایہ کاری کے وافر مواقع موجود ہیں،اسپیکر قومی اسمبلی نے سعودی عرب میں مقیم پاکستانی تارکین وطن کو سہولیات کی فراہمی پر سعودی حکومت کا شکریہ ادا کیا،ملاقات میں دونوں رہنماؤںنے موجودہ پاک سعودی تعلقات پر اطمینان کا اظہار اور انہیں مزید وسعت دینے کا عزم کیا،سپیکر قومی اسمبلی کی طرف سے مجلس شوری کے چیئرمین ڈاکٹر عبداللہ بن محمد بن ابراہیم الشیخ کو پارلیمانی وفد کے ہمراہ پاکستان کے دورے کی ،نواف بن سعید احمد المالکی نے کہا کہ سعودی عرب پاکستان کے ساتھ اپنے برادرانہ تعلقات کو نہایت اہمیت دیتا ہے۔ سعودی عرب کی عوام اور حکومت پاکستان کی پائیدار ترقی اور خوشحالی کے لیے کردار ادا کرتی رہے گی۔

مزید پڑھیں :وزیراعظم شہبازشریف کا 28 اپریل کو سعودی عرب کا دورہ متوقع