اسلام آباد (نیوز ڈیسک) پشاوری چکن کباب بنانے کیلئے ضروری اجزاء
چکن کا قیمہ۔۔۔۔۔۔۔آدھا کلو
ادرک۔۔۔۔۔۔۔1 کھانے کا چمچ
لہسن کا پیسٹ ۔۔۔۔۔۔۔1کھانے کا چمچ
پیاز ۔۔۔۔۔۔۔2 کٹی ہوئی
ٹماٹر ۔۔۔۔۔۔۔2 باریک کٹے ہوئے
نمک ۔۔۔۔۔۔۔حسب ذائقہ
کالی مرچ۔۔۔۔۔۔۔ 1 چائے کا چمچ
زیرہ پسا ہوا۔۔۔۔۔۔۔ 1 چائے کا چمچ
دھنیا پاؤڈر ۔۔۔۔۔۔۔ 1 چائے کا چمچ
انار دانہ ۔۔۔۔۔۔۔1 چائے کا چمچ
چنے کا آٹا ۔۔۔۔۔۔۔3 کھانے کے چمچ
انڈے ۔۔۔۔۔۔۔2 عدد
ہری مرچیں۔۔۔۔۔۔۔ 4 کٹی ہوئیں
ہرا دھنیا ۔۔۔۔۔۔۔2 کھانے کے چمچ باریک کٹا ہوا
تیل فرائی کرنے کیلئے ۔۔۔۔۔۔۔ 2 کپ
پشاوری چکن کباب بنانے کا طریقہ
سب سے پہلے ٹماٹر وں کے علاوہ تمام اجزاء کو ایک بڑے برتن میں ڈال کر اچھی طرح مکس کر لیں اس کے بعد اس کو آدھا گھنٹہ میرینیٹ ہونے کے لیے رکھ دیں، اب اس میں ٹماٹر ڈال کر اچھی طرح مکس کریں۔اس کے بعد مناسب سائز کے کباب بنا لیں، اب باری ہے کباب فرائی کرنے کی تیل اچھی طرح گرم ہو جائے تو کبابوں کو شیلو فرائی کر لیں ۔ لیں جی مزے دارپشاوری چکن کباب تیار ہیں آپ ان کو چائے کا ساتھ بھی لے سکتے ہیں یا روٹی نان کے ساتھ بھی کھا سکتے ہیں۔
