اسلام آباد (نیوز ڈیسک) ہلکی ہلکی بھوک میں لاہوری نان ختائی اور چائے مل جائے تو بارشوں کا بھی لطف آجائے ، بے وقت کی بھوک کو دور بگھانے کے لیے اور بھاری کھانوں سے بچنے کا آسان حل لاہوری نان ختائی کم پیسوں میں بنائیں ڈھیروں ناختائیاں،طریقہ ہم بتاتے ہیں۔
لاہوری نان ختائی بنانے کیلئے اجزاء
بیکنگ پاؤڈر ۔۔۔۔۔۔۔۔۔2چائے کے چمچے
میدہ چھنا ہوا۔۔۔۔۔۔۔۔۔ایک پاؤ
بیسن۔۔۔۔۔۔۔۔۔50گرام
پسی ہوئی چینی ۔۔۔۔۔۔۔۔۔150گرام
بیکنگ سوڈا ۔۔۔۔۔۔۔۔۔آدھا چائے کا چمچ
انڈے کی زردیاں ۔۔۔۔۔۔۔۔۔3عدد
پسی ہوئی چھوٹی الائچی ۔۔۔۔۔۔۔۔۔1چائے کا چمچ
بادام اور دیگر خشک میوہ جات ۔۔۔۔۔۔۔۔۔حسب پسند
گھی ۔۔۔۔۔۔۔۔۔1 پاؤ
لاہوری نان ختائی بنانے کا طریقہ
لاہوری نان ختائی بنانے کے لیے سب سے پہلے بڑے پیالے میں دیسی گھی چینی اور الائچی ڈال کر اتنا پھینٹیں کے اس میں جھاگ آجائے جب مکسچر تیار ہو جائے تو اس میں بادام اور دیگر میوہ جات ڈال کر الگ سے رکھ دیں،اس کے بعد دوسرے باؤل میں میدہ ، بیسن،بیکنگ پاؤڈر اور بیکنگ سوڈا ملا کر چھان لیں پھر اس کو انڈوں کی زردی اور گھی سے تیار ہونے والے جھاگ دار آمیزے سے گھوند لیں جب ڈو اچھی طرح تیار ہو جائے تو اس کو بیلن کی مدد سے بیل لیں اور سانچوں کی مدد سے بسکٹ کے کی شکل میں کاٹ لیں، پھر اوون ٹرے میں گھی لگا کر اس میں نان ختائییاں رکھیں اور برش کی مدد سے انڈا لگا دیں اور اس کو اون میں 180 سینٹی ڈگری پر 20 منٹ تک پکائیں، لیں جی آپ کی مزے دار لاہور نان ختائییاں تیار ہیں ۔
