اسلام آباد (اے بی این نیوز)یہ مشروب صحت کے لیے جادوئی ثابت ہو سکتا ہے،کھیرے کا استعمال تو سلاد میں عام ہوتا ہے اور گرمیوں میں اس سے گرمی کا احساس بھی کم ہوتا ہے،مگر کیا آپ نے کبھی کھیرے کے پانی کے بارے میں سنا ہے جو آپ کی صحت پر جادوئی اثرات مرتب کرسکتا ہے؟جی ہاں واقعی کھیرے کا پانی ایک سستا اور صحت کے لیے مفید مشروب ہے۔کھیروں میں متعدد وٹامنز، اینٹی آکسائیڈنٹس اور دیگر غذائی اجزا موجود ہوتے ہیں جو مختلف امراض سے تحفظ فراہم کرنے کے ساتھ ساتھ ہڈیوں، جِلد اور مسلز کے لیے بھی فائدہ مند ثابت ہوتے ہیں۔کیا گرم موسم میں گہرے رنگ کا لباس پہننے سے زیادہ گرمی لگتی ہے؟کھیرے کا پانی کیسے تیار کریں؟اس کے لیے 8 کپ پانی، 2 کھیرے (باریک ٹکڑوں میں کاٹ لیں) اور آدھا چائے کا چمچ نمک درکار ہوگا۔ایک جگ میں کھیرے کے ٹکڑے اور نمک کو ڈال دیں۔
اس کے بعد پانی انڈیل کر جگ کو اچھی طرح ہلائیں اور پھر ڈھانپ کر کم از کم 4 گھنٹوں یا رات بھر کے لیے فریج میں رکھ دیں۔اس مشروب کو 3 دن کے اندر پی لیں۔طبی ماہرین کے مطابق جسمانی افعال اور اچھی صحت کے لیے جسم کو مناسب مقدار میں پانی کی ضرورت ہوتی ہے۔گرم موسم میں جسم کو زیادہ پانی کی ضرورت ہوتی ہے کیونکہ پسینے کے باعث کافی سیال خارج ہو جاتا ہے۔وہ اثرات جو روزانہ چائے پینے سے جسم پر مرتب ہوتے ہیں،تو کھیرے کے پانی پینے سے روزانہ مناسب مقدار میں پانی پینا آسان ہو جاتا ہے جبکہ اس مشروب میں موجود کھیرے زبان کے ذائقے کو بھی بہتر کرتے ہیں۔جسمانی وزن میں کمی
میٹھے سوڈا، جوس اور دیگر میں کیلوریز کی مقدار بہت زیادہ ہوتی ہے جبکہ کھیرے کے پانی میں کیلوریز کی مقدار نہ ہونے کے برابر ہوتی ہے، جس سے جسمانی وزن میں اضافہ نہیں ہوتا۔کئی بار جسم میں پانی کی کمی ہونے پر پیاس کی بجائے بھوک کا احساس ہوتا ہے اور لوگ ضرورت سے زیادہ غذا جسم کا حصہ بنا لیتے ہیں۔تو بے وقت بھوک لگنے پر کھیرے کے پانی کا ایک گلاس پینے سے اس پر قابو پانے میں مدد مل سکتی ہے۔جسم میں پانی کی مناسب مقدار میں پیٹ بھرنے کا احساس زیادہ دیر تک برقرار رہتا ہے اور جسمانی وزن میں کمی لانے میں مدد ملتی ہے۔کھیرے پوٹاشیم کے حصول کا اچھا ذریعہ ہیں اور کھیرے کا پانی جسم کو زیادہ پوٹاشیم فراہم کرتا ہے، جس سے جسم میں نمکیات اور پوٹاشیم کا توازن بہتر ہوتا ہے اور بلڈ پریشر میں کمی آتی ہے۔کھیروں میں اینٹی آکسائیڈنٹس اور دیگر غذائی اجزا کی مقدار کافی زیادہ ہوتی ہے، جس سے خلیات کو فائدہ ہوتا ہے۔کھیروں میں موجود فلیونوئڈز نامی اینٹی آکسائیڈنٹس کینسر سے لڑنے میں مدد فراہم کر سکتے ہیں۔ایک تحقیق میں دریافت کیا گیا کہ کھیروں میں موجود فلیونوئڈز سے مثانے کے کینسر سے بچنے میں مدد مل سکتی ہے۔کھیروں میں وٹامن K کی مقدار کافی زیادہ ہوتی ہے۔
