اسلام آباد ( نیوز ڈیسک) پاکستان اور سعودی عرب کا سرمایہ کاری کے طریقہ کار پر اتفاق ہوگیا۔ معاشی بحالی کی جانب اہم سنگ میل عبور حاصل کرلیا، نگران وزیر اطلاعات مرتضیٰ سولنگی نے سماجی رابطے کی ویب سائٹ ایکس ( ٹوئٹر) پر اپنے پیغام میں خوشخبری سناتے ہوئے کہاکہ پاکستان اور سعودی عرب کا سرمایہ کاری کے طریقوں پر اتفاق ہوگیا، خلیج تعاون کونسل (جی سی سی ) کیساتھ آزاد تجارتی معاہدے کی توثیق کی راہ ہموار ہوگئی ۔
Pakistan and Saudi Arabia have reached a consensus on the investment modalities, paving the path for the ratification of a much-awaited free trade agreement with the Gulf Cooperation Council, a development that has been pending for the last 19 years.
If approved, this will mark…— Murtaza Solangi (@murtazasolangi) December 3, 2023
انہوں نے لکھا کہ پاکستان اس اقدام کا 19 سال سے منتظر تھا، گزشتہ 15 سال میں خلیج تعاون کونسل کی جانب سے کسی ملک کے ساتھ پہلا تجارتی اور سرمایہ کاری معاہدہ ہوگا۔دوسری جانب گزشتہ روز پاکستانی وفد نے جی سی سی ممالک سے آزادانہ تجارت کے معاہدے کے سرمایہ کاری سے متعلقہ حصے کو حتمی شکل دینے کیلئے چیف مذاکرات کار کے ساتھ ملاقات کی، دونوں اطراف کی تکنیکی ٹیموں نے سرمایہ کاری کے باب کی بقیہ تفصیلات بشمول سرمایہ کاری کے تحفظ اور سہولت پر وسیع بات چیت کی۔ملاقات میں فریقین نے دو طرفہ تجارت اور سرمایہ کاری کے بہاؤ پر آزادانہ تجارت کے ممکنہ اثرات پر بھی تبادلہ خیال کیا۔
Productive discussions in Saudi Arabia as we work towards finalizing the investment-related part of the GCC Free Trade Agreement. Confident that this agreement will strengthen economic ties between Pakistan and the GCC, fostering new opportunities for trade and investment.… pic.twitter.com/oKIUDppwum
— Dr Gohar Ejaz (@Gohar_Ejaz1) December 2, 2023
وزیر تجارت ڈاکٹر گوہر اعجاز نے کہا کہ خلیج تعاون کونسل کے ممالک سے آزادانہ تجارت کے معاہدے سے تجارت اورسرمایہ کاری میں اضافہ ہوگا اورجی سی سی ممالک کے ساتھ تعلقات مزید فروغ پائیں گے۔یاد رہے کہ 29 ستمبر کو پاکستان اور خلیج تعاون کونسل (جی سی سی) نے سعودی عرب کے دارالحکومت ریاض میں مذاکرات کا آخری دور مکمل ہونے کے بعد آزاد تجارتی معاہدے (ایف ٹی اے) کے ابتدائی معاہدے پر دستخط کئے تھے۔
