کراچی(نیوزڈیسک)ملک میں گذشتہ ماہ سیمنٹ کی کھپت میں کمی سامنے آئی ہے۔تفصیلات کے مطابق آل پاکستان سیمنٹ مینوفیکچررز ایسوسی ایشن نے بتایاکہ نومبر 2023 میں سیمنٹ کی کھپت 2.12 فیصد کم ہوئی ،یوں سیمنٹ کی مجموعی فروخت 39 لاکھ 24 ہزار ٹن رہی۔رپورٹ کے مطابق رواں مالی سال کے ابتدائی 5 مہینوں میں سمینٹ کی کھپت 1 کروڑ 98 لاکھ ٹن رہی، جو 10.81فیصد بڑھی ہے۔اسی طرح 5 ماہ میں سیمنٹ کی مقامی فروخت 2.04 فیصد اضافے سے1 کروڑ 66 لاکھ ٹن رہی، جبکہ اس عرصے دوران سیمنٹ کی ایکسپورٹ 104.60 فیصد اضافہ سے31 لاکھ 29 ہزار ٹن رہی۔