اسلام آباد ( نیوز ڈیسک) آئی ایم ایف کی شرائط پوری کرنے کے بعد پاور سیکٹر حکام نے آئی ایم ایف حکام کو بریفنگ دینے کی تیاری کرلی۔سرکاری دستاویز کے مطابق بجلی گھروں کی تعمیر پر اٹھنے والے اخراجات بھی صارفین پر منتقلکردیئے جبکہ کسانوں سے بجلی سبسڈی واپس لے لی گئی، صنعتوں کیلئے بھی رعایتی پیکیج ختم کر دیا۔دستاویز ات کے مطابق گردشی قرضہ بھی عوام پر منتقل کردیا گیا، بنیادی نرخ میں بھی ساڑھے 7 روپے اضافہکردیا، بجلی چوری کیخلاف مہم سے 48 ارب روپے کا امپیکٹ آچکا ہے، 20 ہزار تک بجلی چور گرفتار جبکہ ستمبر سے اب تک 40 ہزار مقدمات درج کرلئے ، بجلی چوری میں ملوث 189 سرکاری افسران کو معطل کیا جا چکا ۔پی ایچ ایل قرض پر سود کیلئے صارفین پر 3 روپے 23 پیسے کا بوجھ ڈالا گیا، تین روپے 23 پیسے کا ایڈیشنل سر چارج بتدریج وصول کیا جارہا ہے، پاور سیکٹر کا اربوں روپے کا سرکلر ڈیٹ بھی بجلی صارفین پر ڈال دیا ۔دستاویز میں کہا گیا ہے کہ بقایا جات کے نام پر 14 روپے 24 پیسے تک اضافے کا اطلاق بھی کر دیا گیا ، کسانوں کو بجلی پر دی جانیوالی حکومتی سبسڈی کے 3 روپے 60 پیسے بھی واپس کرلئے، برآمدی انڈسٹری کے لیے 19.99 روپے فکس رعایتی پیکیج بھی ختم کر دیا ۔