کراچی (نیوزڈیسک)قومی ایئر لائن پی آئی اے کی عالمی پروازوں کا شیڈول بری طرح متاثر ، سعودی عرب سے آنیوالے زائرین کو شدید مشکلات کا سامنا، پرواز پی کے 760 نے جدہ سے اسلام آباد کیلئے دوپہر 12 بجے روانہ ہونا تھا۔عازمین بارہ گھنٹوں سے زائد وقت ایئرپورٹس پر ہی گزارنے پر مجبور ہوگئے ۔ ذرائع کے مطابق جدہ سے اسلام آباد کیلئے پی آئی اے کی پرواز میں 9 گھنٹے سے زائد کی تاخیر ۔ایئرپورٹ شیڈول کے مطابق پرواز رات 9 بجکر 11 منٹ پر روانہ ہوئی، مسافر ایئرپورٹ پر منتظر رہے۔ پرواز نے شام 7 بجے اسلام آباد پہنچنا تھا ۔جدہ سے لاہور کے لیے پرواز پی کے 762 کی روانگی میں پانچ گھنٹے کی تاخیر رپورٹ ہوئی۔ جدہ سے لاہور کیلئے دوسری پرواز پی کے 742 کی روانگی میں ساڑھے 4 گھنٹے کی تاخیر ہوئی۔ ریاض سے لاہور کے لیے پی کے 726 کی روانگی میں 4 گھنٹہ 20 منٹ کی تاخیر ہوئی۔ شارجہ سے لاہور کے لیے پی کے 186 کی روانگی میں 5 گھنٹے 27 منٹ کی تاخیر ہوئی۔پرواز پی کے 714 نے مقامی وقت کے مطابق سہ پہر 3 بجکر 35 منٹ پر روانہ ہونا تھا۔ بوئنگ 777 طیارے نے مقامی وقت کے مطابق رات 9 بجے لاہور کیلئے ٹیک آف کیا۔ پرواز صبح 3 بجکر 9 منٹ پر علامہ اقبال ایئرپورٹ لاہور پہنچے گی۔ ٹورنٹو سے لاہور کے لیے پی کے 798 کی روانگی میں دو گھنٹے کی تاخیر ہوئی۔مدینہ سے کراچی کے لیے پی کے 744 کی روانگی میں 10 گھنٹے کی تاخیر ہوئی۔ کوئٹہ سے کراچی کی پرواز پی کے 311 کی روانگی میں ساڑھے تین گھنٹے کی تاخیر رپورٹ ہوئی۔ دبئی سے کراچی کے لیے پی کے 714 دو گھنٹے تاخیر کا شکار ہوئی۔ پی آئی اے کی مدینہ سے لاہور کی پرواز میں بھی ساڑھے 5 گھنٹے کی تاخیر ہوئی۔
